السلام عليكم
عزيزاتي :
هذا الموضوع للإجابة على استفساراتكم بخصوص الاختبار النهائي...
أرجو كتابة الأسئلة في هذا الموضوع وليس في صفحة الاسئلة والاستفسارات..
بسم الله
المنهج يشمل الموضوعات التالية:
شابتر 1 - مقدمة --- من الكتاب والمراجعة ( مثل مذاكرتكم للنصفي ) .
شابتر 7 - أنواع نظم المعلومات --- من الكتاب والمراجعة ( مثل مذاكرتكم للنصفي ) .
شابتر 9 - بناء نظم المعلومات --- من النوتز والكتاب والمراجعة ( مثل مذاكرتكم للنصفي ) .
-----------------
بالنسبة للفصول التالية:
شابتر 4 - البنية التحتية لنظم المعلومات + التحكم في نظم المعلومات. --- دليلك الشرائح
شابتر 6 - أمن نظم المعلومات --- دليلك الشرائح
شابتر 10 - قضايا أخلاقية --- دليلك الشرائح
شابتر 5 - التجارة والأعمال الإلكترونية --- دليلك النوت
دليلك في المذاكرة الشرائح وهي شااااملة،
بمعنى عليك الرجوع الى الكتاب أو أي مراجع أخرى عند الحاجة لذلك بحسب ما هو مذكور في الشرائح.
مثل :
راجعي صفحة 567 لتعريف ......
راجعي ملف ثمان نصائح ...
موفقييين،،،،
الاشتراك في:
تعليقات الرسالة (Atom)
هناك 252 تعليقًا:
1 – 200 من 252 ›أحدث أحدث»السلام عليكم ورحمة الله وبركاته
كيفك أستاذة وكيفكم يابنات مع المذاكره ...إن شالله الكل بخير...
حبيت أسألك أستاذة بالنسبه للمشروع, سمعت أنو فيه سؤال جاي منو,هل هذا الشي صحيح وكيف يجي في الإختبار وكيف نذاكره..
والله يعطيكي العافيه..وجزاك الله خير...
السلام عليكم
استاذه ساره فين النوت حق شبتر خمسه وشكراا
أستاذة سارة :
في فصل ال( IS control(
قلتي نحفظ مثالين فقط على كل قسم وكان في النصفي فقط ...
هل نحفظها كلها في النهائي ؟؟!
لأنك قلتي لنا كلام ثاني في النهائي
وعليكم السلام ورحمة الله وبركاته
شكرا 42905248
عزيزتي : بالنسبه للمشروع
صحيح راح يجي عليه اسئلة.
لكن ما فيه داعي تذاكرين، كفاية تراجعين اهم الافكار في ساعتين قبل الاختبار بيوم..
وعليكم السلام
النوت الآن في صفحة المادة
راجعيها
اهلا عزة
كفاية مثالين حتى في النهائي
لكت نتفق على نفس الامثلة:
اول مثالين من كل كنترول
السلام عليكم..
استاذة سارة بالنسبة لشابتر 4 أنا شفت في العرض أشياء انتي ما أشرتيها معنا في النصفي معنا نذاكرها ولا نكتفي باللي أشرتية معنا.
مع جزيل الشكر ..
السلام عليكم...
معليش يااستاذة بس مالقيت المراجعة هي فين بالضبط؟؟؟
السلام عليكم... انا كتبت هادى الكلام في الاسئله والاستفسارات ما رديتي علي ورجعت كتبتو هنا تاني معليش..
استاذه ساره معليش نزليلناالمحاضرات والدرجات والله مرررره طولتي علينا معليش على الكلام بس والله كلنا خايفين وشايلين هم نبغى نعرف درجاتنا قبل ما ندخل اختبار النهائي الله يخليكي واهم شي تنزل الدرجات قبل يوم الاربعاء يعني الثلاثاء الله الله الله الله الله الله الله الله يخليكييييييي .........حسي فينا؟؟
وكمان اللي تجاوب في النهائي كلو صح تجيب a+ ولالا وفي سوال حتحطيه صعب وقلتي ما راح تحسبيه اذا جاوبتو كلو صح ما عدا هادى السؤال .. انشاء الله بس تردي علي ,,
استاذه ساره نبغى مراجعه وترتيب افكار الله يخليكي وخصصيلنا اي يوم نسالك فيه اللي عندها سؤال..
وعليكم السلام
اهلا عزة
كل شي موجود في السلايدز معاكم
وأي استفسار ممكن تحطينه هنا نناقشه سوا
موفقين
وعليكم السلام
اهلا 42805524
هذا الموضوع هو المراجعة
فيه كل شابتر واش مرجعك في مذاكرته
والمراجع وااااضحة جدا ومفصلة
بالتوفيق،،
وعليكم السلام ورحمة الله
اللي ما هي حابه تكتب اسمها ما فيه اشكال ماهي مضطرة لكتابته ، لكن ارجو الحرص على انتقاء الألفاظ ...
1- المحاضرات نزلت في صفحة المادة.
2- فرصة للي حابة تاخذ A+ , لو جاوبت النهائي كله صح راح تاخذ A+ لأنه النهائي شامل لكل المنهج، بس بشرط تكون سلمت كل متطلبات المادة.
واعتقد بعد هذي الفرصة ما فيه داعي للخوف والقلق، مهما كانت درجتك في النصفي انتي ضامنه A+.
3- صحيح فيه سؤال من المادة العلمية اللي أخذتوها،مو صعب ولا مستحيل الحل
لكن يتطلب فهم عالي وتركيز، يعني اللي وصلت مرحلة الويزدوم راح تجاوبه باذن الله، باقي عندكم اسبوع وكلكم قدها وقدود شدوا حيلكم.
4. درجة سؤال الخبرة محسوبة ضمن توزيع الدرجات، بس ما عليها درجة كبيرة مره، هذي الدرجة هي اللي راح تفرق بين اللي تستحق المية واللي امتياز فقط.
5. درجات الاختبار النصفي ما راح انزلها الا لما انتهي منها كلها، واكيد قبل الاختبار النهائي عشان تعرفون اخطائكم وما تكررونها في النهائي، تابعوا موقع المادة وارجو عدم ارسال رسائل استفسار عن الدرجات على الجوال.
السلام عليكم
لو سمحتي يا أستاذة أنا موضوعي الهاردوير ايش أذاكر فيه لأنه طويل مرة ويأخذ وقت في المذاكرة
وجزاك الله كل خير
ولا تنسينا من دعوااااتك
السلام عليكم . كيف حالك يا أستاذة
أبغى أسأل عنself study في شابتر6 كيف أذاكره لأني ماني فهمته وشكرا
السلا عليكم ورحمة الله وبركاته
أستاذة سارة فيCH5 كل رول(Rule )نفهم شرحه بالعربي ولاE>>والله يعطيك العااااااااافية
السلام عليكم ورحمة الله ..
في شابتر 5 -- النقطة الخامسة
What google do for thir customers?Why
قرأت في الكتاب وفهمت المجمل بس ما عرفت اجيب المطلوب بصوره صحيحه مثل الكلام اللي في المحاضره كمان ذاكر اشياء زياده ....
ممكن توضحي اكثر ؟
أكون شاكره لك ...
السلام عليكم أستاذة : سارة
في الشباتر اللي قلتي ان دليلنا الشرائح هل نذاكر من الكتاب شيء لأن الكتاب سايح على بعضه في هذه الجزئية ؟
يعطيييك العافية
السلام عليكم ..
استاذة سارة الاستراتيجيات الي في شابتر خمسه المقارنة بينهم بالانجليزي ولا بالعربي؟ وكمان ال Rule بس نحفظ التعداد فقط ولا حتى الشرح الي بالانجليزي ؟؟
والله يعطيكي العافية يا رب..
السلام عليكم ..
استاذة ساره بعد اذنك أبساعدك في الرد على اسئلةالبنات الي أعرفها....
**هند....
What google do for thir customers?Why
انا فهمتة زي ما شرحتة استاذة سارة في المحاضرة بس مدري هية تبية بالانجليزي ولا بالعربي .. وحل السؤال ..
(( انهgoogle فصل بين المواقع والاعلانات بحيث يتم عزل نتائج البحث عن الاعلانات لكي لا تضايق المستخدم في البحث *شوفي الرسمة الاعلانات الي محددة بالاحمر *))
وما ادري اذا كانت استاذة سارة تبي شي زيادة؟! ..
وبالتوفيق ..
السلام عليكم...
يا ليت يا استاذه تخصصي يوم السبت للبنات اللي عندهم اسئله لكي ,,, يا ليت وشكراااا
محبتكي في الله : ؟؟؟؟؟
السلام عليكم
أستاذة ممكن تقولين لنا كيف يحي سؤال المشروع يعني كيف تكون صيغة السؤال؟؟؟
عشان مره شايلين همه
وشكرا...
السلام عليكم
في شابتر 5 اذاكر إلي في النوت بدون الرجوع الى الكتاب
مثلا انتي كاتبه يااستاذه :
الرجوع الى صفحه معينه
ارجعلها يااستاذه
وشكرا
أستاذتي الفاضلة:
قد ما حاولت أحفظ الجداول كلها ما أقدر خاصة جدول الوظائف بهدلني...
أحس إني أقرأها قراااءة بس ..
وشكرا لله على قلبك الواااسع..
طالبتك:
السلام عليكم
أستاذه فيه سؤال إشرحي في الإختبار وإذا فيه أقدر أشرح بالعربي ولا لا؟؟؟
س: السلام عليكم ورحمة الله وبركاته يقول...
استاذه ساره نبغى مراجعه وترتيب افكار الله يخليكي وخصصيلنا اي يوم نسالك فيه اللي عندها سؤال..
---------
ج: وعليكم السلام
بامكانكم طرح استفساراتكم في هذا الموضوع في أي وقت وباذن الله راح اجاوب لكم هي...
س: MM يقول...
السلام عليكم
لو سمحتي يا أستاذة أنا موضوعي الهاردوير ايش أذاكر فيه لأنه طويل مرة ويأخذ وقت في المذاكرة
وجزاك الله كل خير
ولا تنسينا من دعوااااتك
-------------------------
وعليكم السلام
ج: مافيه داعي تذاكرون المشروع اللي بحثتوه كافي لاجابه الاسئلةالخاصة به..
الله يوفقكم شدوا حيلكم
س: فوفو يقول...
السلام عليكم . كيف حالك يا أستاذة
أبغى أسأل عنself study في شابتر6 كيف أذاكره لأني ماني فهمته وشكرا
_____________
ج: وعليكم السلام
اقرئيه وافهميه
والنقطة اللي ما تفهمينها ممكن تطرحينها هنا ونناقشها مع بعض
س: هند يقول...
السلام عليكم ورحمة الله ..
في شابتر 5 -- النقطة الخامسة
What google do for thir customers?Why
قرأت في الكتاب وفهمت المجمل بس ما عرفت اجيب المطلوب بصوره صحيحه مثل الكلام اللي في المحاضره كمان ذاكر اشياء زياده ....
ممكن توضحي اكثر ؟
أكون شاكره لك ...
__________________________
وعليكم السلام
What google do for thir customers?Why ؟
هذا السؤال جاويناه في المحاضرة
مين يجاوبه؟
استاذه ساره فين المراجعه ماني شايفه شي
وعليكم السلام
اهلا عزة
الشرائح كافيه الا في حالتين:
1. انا كتبت راجعي الكتاب صفحة كذا
2. انت حبيتي ترجعي للكتاب عشان تفهمي معلومة
غير معرف يقول...
السلام عليكم ..
استاذة سارة الاستراتيجيات الي في شابتر خمسه المقارنة بينهم بالانجليزي ولا بالعربي؟ وكمان ال Rule بس نحفظ التعداد فقط ولا حتى الشرح الي بالانجليزي ؟؟
والله يعطيكي العافية يا رب..
________________
وعليكم السلام
1. احفظوا اسم كل استراتيجية بالانجليزي
والمقارنة بينهم مو مشكلة بالعربي
2. الرولز التعداد بالانجليزي
والشرح بالعربي ما فيه مشكلة
لكن افهموه برضه بالانجليزي عشان لو جات عليه اسئلة موضوعية تقدرون تفهمون الجمل
السلام عليكم ..
استاذه انا متذكره الكلام اللي في المحاضره يعني ممكن اجاوبك بالعربي مو بالانقلش ...
المطلوب بالانقلش ولا العربي ؟!
(معليش لأن سؤالي ما كان واضح !)
جزاك الله خير
MM يقول...
السلا عليكم ورحمة الله وبركاته
أستاذة سارة فيCH5 كل رول(Rule )نفهم شرحه بالعربي ولاE>>والله يعطيك العااااااااافية
____________________
وعليكم السلام
الرولز نفسها بالانجليزي
لو طلبت شرح اشرحوا بالعربي
لكن برضه لازم تفهمون الجمل بالانجليزي عشان لو جات عليها اسئلة موضوعية تفهمون السؤال
:-) يقول...
السلام عليكم ..
استاذة ساره بعد اذنك أبساعدك في الرد على اسئلةالبنات الي أعرفها....
**هند....
What google do for thir customers?Why
انا فهمتة زي ما شرحتة استاذة سارة في المحاضرة بس مدري هية تبية بالانجليزي ولا بالعربي .. وحل السؤال ..
(( انهgoogle فصل بين المواقع والاعلانات بحيث يتم عزل نتائج البحث عن الاعلانات لكي لا تضايق المستخدم في البحث *شوفي الرسمة الاعلانات الي محددة بالاحمر *))
وما ادري اذا كانت استاذة سارة تبي شي زيادة؟! ..
وبالتوفيق ..
____________
ممتاااااز
هذا جواب السؤال الأول
باقي لماذا؟
ومو مشكلة بالعربي
شكرا لتعاونك
وانتظر منك جواب السؤال الثاني...
؟؟؟؟؟؟؟؟؟؟؟؟؟؟؟؟؟؟؟؟ يقول...
السلام عليكم...
يا ليت يا استاذه تخصصي يوم السبت للبنات اللي عندهم اسئله لكي ,,, يا ليت وشكراااا
محبتكي في الله : ؟؟؟؟؟
_____________________
وعليكم السلام
عزيزاتي
استقبل اسئلتكم هنا على مدار 24 ساعة
42905248 يقول...
السلام عليكم
أستاذة ممكن تقولين لنا كيف يحي سؤال المشروع يعني كيف تكون صيغة السؤال؟؟؟
عشان مره شايلين همهوا
وشكرا...
__________________
وعليكم السلام
اللي بحثت بنفسها مافي داعي تشيل همه
انا واثقة انها راح تقدر تجاوبه
ومافي داعي تذاكرين دراستك للموضوع اثناء المشروع كافي
السلام عليكم ورحمة الله
اهلا أ. ساره
في شابتر 10 المواضيع (( computer crime .. how computer virus is spread .. internet hoaxes .. cyber ware cyber terrorism())
ماهي موجوده في الشرائح نرجعلها في الكتاب كتعاريف ومقارنه ولا نسهب في الموضوع ..
وجزاك الله خير
>>> لي عودة
استاذ ساره فين الدرجات باقي يومين على الاختبار الله يخليكي نزليها....
السلام عليكم ..
أهلين أ.ساره نور الملتقى :-)...
" استاة ساره في شابتر 6 السلايد الي عنوانها Technological safeguards
الخطوات الي على الرسمه نذاكرها؟؟
وبالنسة للاسلايد الي بعدها
Encryption for Websites
مرررة ما ني قادرة أفهمها :-(!!
ممكن توضحين لي مفهومها ..
مع جزيل الشكر >>>
ISs (H ) يقول...
السلام عليكم
في شابتر 5 اذاكر إلي في النوت بدون الرجوع الى الكتاب
مثلا انتي كاتبه يااستاذه :
الرجوع الى صفحه معينه
ارجعلها يااستاذه
وشكرا
______________
وعليكم السلام
النوت هي دليلك لمذاكرة الشابتر
يعني لما النوت تقول لك راجعي صفحة كذا
ارجعي لها وذاكري اللي فيها
أستاذتي الفاضلة:
قد ما حاولت أحفظ الجداول كلها ما أقدر خاصة جدول الوظائف بهدلني...
أحس إني أقرأها قراااءة بس ..
وشكرا لله على قلبك الواااسع..
طالبتك:
_____________
لا تحاولين تحفظين بدون فهم لأنك راح تتعبين
ولما يكون فيه اشياء متشابهة افضل طريقة لمذاكرتها المقارنة بينها
اعتقد هذا سبب المشكلة
ولا تنسين تدعين:
" اللهم اني استودعتك ما حفظت فاردده لي عند حاجتي اليه"
غير معرف يقول...
السلام عليكم
أستاذه فيه سؤال إشرحي في الإختبار وإذا فيه أقدر أشرح بالعربي ولا لا؟؟؟
________________
اللي قلت لكم ذاكروه بالعربي اشرحوه بالعربي
واللي قلت لكم ذاكروه بالانجليزي اشرحوه بالانجليزي
غير معرف يقول...
استاذه ساره فين المراجعه ماني شايفه شي
_______
هذي هي المراجعة..
هند يقول...
السلام عليكم ..
استاذه انا متذكره الكلام اللي في المحاضره يعني ممكن اجاوبك بالعربي مو بالانقلش ...
المطلوب بالانقلش ولا العربي ؟!
(معليش لأن سؤالي ما كان واضح !)
جزاك الله خير
_____________
وعليكم السلام
اهلا هند
ايوه بالعربي مو مشكلة
ساره برنجي يقول...
السلام عليكم ورحمة الله
اهلا أ. ساره
في شابتر 10 المواضيع (( computer crime .. how computer virus is spread .. internet hoaxes .. cyber ware cyber terrorism())
ماهي موجوده في الشرائح نرجعلها في الكتاب كتعاريف ومقارنه ولا نسهب في الموضوع ..
وجزاك الله خير
>>> لي عودة
_____________
اهلا سارة
الموجود في الشرائح كافي
من سلايد رقم (23) الي (26)
refresh على طوووووول للصفحة ..
أ.ساره الشرايح كافيه ووافيه بس احسها كلها رؤوس اقلام .. هي صح كذا ولا يحتاج اننا نفصلها ..
>>>الاسئلة كثرت في هذا الموضوع بس ماني مستوعبة او ما اتعودت كذا
وودي ارجع للكتاب بس اصدع و اضيع ويحتاج ياخذ وقت لترجمة بعض المصطلحات ..
يعني غالبا عليها اسئلة موضوعيه مايجي شرح صح ؟؟
وجزاك الله الف خير ..
اية صح يا استاذة ساره الشرايح كلها رؤس أقلام زي ما قالت سارة برنجي ماني متعمقة فيها وفاهمتها زين انتي تبين كذا !!!!
آسفة أ. ساره شكل شابتر 10 عندي ناقص .. برجع احمله ومشكووووووووووورة
عزه الثقفي يقول...
السلام عليكم ..
أهلين أ.ساره نور الملتقى :-)...
" استاة ساره في شابتر 6 السلايد الي عنوانها Technological safeguards
الخطوات الي على الرسمه نذاكرها؟؟
وبالنسة للاسلايد الي بعدها
Encryption for Websites
مرررة ما ني قادرة أفهمها :-(!!
ممكن توضحين لي مفهومها ..
مع جزيل الشكر >>>
___________
وعليكم السلام
اهلا عزة
بالنسبة للسؤال الاول لا مافي داعي
بالنسبة للسؤال الثاني:
منت فاهمة الرسمة؟
ولا الشريحة كلها؟
لا الشريحة الثانية الي عنوانها Encryption for Websites هي ما فيها رسمة .. انا الشريحة كلها ماني فاهمتها وبرضة رجعت للكتاب وحست فية وما فهمت ..
ومشكورة استاذه سارة
السلام عليكم ورحمة الله وبركاته
أستاذة سارةاتمنى توضحيلي كيف تشغل الspyware وspam ال bandwidth حق الشبكة? مع شكري
refresh على طوووووول للصفحة ..
أ.ساره الشرايح كافيه ووافيه بس احسها كلها رؤوس اقلام .. هي صح كذا ولا يحتاج اننا نفصلها ..
>>>الاسئلة كثرت في هذا الموضوع بس ماني مستوعبة او ما اتعودت كذا
وودي ارجع للكتاب بس اصدع و اضيع ويحتاج ياخذ وقت لترجمة بعض المصطلحات ..
يعني غالبا عليها اسئلة موضوعيه مايجي شرح صح ؟؟
وجزاك الله الف خير ..
____________________
انتي تتكلمين عموما فصعب اقول لك صح
لكن الى حد ما كلامك صحيح
لأن الشباتر الاخيرة تختلف عن الشباتر الاولى في انها تعرفكم بمفاهيم ومصطلحات جديدة فقط، واذا حابة تستفيضين من الكتاب مافي مانع بالعكس يسعدني
بعد ما ترتبين اولوياتك
موفقين
عزه الثقفي يقول...
اية صح يا استاذة ساره الشرايح كلها رؤس أقلام زي ما قالت سارة برنجي ماني متعمقة فيها وفاهمتها زين انتي تبين كذا !!!!
___________
- صحيح الشرائح فيها الزبدة وهذا المطلوب.
- لكن ما تحفظين شي منتي فاهمته المفروض تكونين فاهمه المضمون معايا في المحاضرة.
المعذرة بنات لي عودة مره اخرى
وقفنا عند سؤالك يا عزة
______
وبالنسبة للسؤال توضحيلي كيف تشغل الspyware وspam ال bandwidth حق الشبكة?
سؤال جميييييل، مين حاب يجاوب السؤال؟
واول اجابة صحيحة لها بونس.
امكن يكون انها تضغط الشبكة بالرسائل والبيانات المجمعة عنك ذهابا وايابا
أعتقد الاجابة على السؤال :
لانة بطيئ وياخذ وقت في جمع معلومات عني وبالتالي يشغل الشبكة... أوالرسائل الكثيرة الي يرسلها تاخذ من الشبكة ومن حجم جهاز الكمبيوتر ؟؟؟
والله أعلم ..
السلام عليكم
حبيت أجاوب على السؤال
أثناء إنتقال السبام عبر الإنترنت فإنه يشغل مساحه في سعة الإرسال الممكنه..
يعني تخيلي المكان إللي تنتقل فيه البيانات مثل النفق
كلما كثرت البيانات المنتقله عبر هذا النفق يضيق النفق ولا يكفي تنتقل فيه البيانات المطلوبه من المستخدم
يعني السبام تشغل مكان في سعة الإرسال على الفاضي
وبس
هذاإلي فهمته
وشكرا
إضافة توضيحية:
السبام بما أنه يشغل مكان في سعة الإرسال فإن ذلك يؤدي إلى بطء إنتقال البيانات بسبب كثرتها..وهذا الشيء مزعج بالنسبه للمستخدم..
وإذا تعدت البيانات الحد المسموح بإنتقاله فسيظهر للمستخدم error
يبين أن البيانات لا يمكن عرضها بسبب إنشغال الـ bandwidth
أي إنشغال مساحة سعة الإرسال
بالتوفيق..
محاولة مشاركة ان شاء تكون مفيدة ..
ال Spywere عبارة عن ملف تجسسي مزروع في جهاز الضحية عبارة عن بريمج صغير يقوم إما بمتابعة حركة الضحية خلال الجهاز و هذا يطلق عليه monitor tracking أو يقوم بإرسال معلومات محددة أو عامة من جهاز الضحية للجهة المعنية و ال Spyware عادة انتشرت مؤخرا إما في أغراض تخريبية أو عامة في أغراض تخدم مناهج الدعاية والإعلانات عبر طريق الانترنت و ذلك من خلال جلب البريد الإلكتروني الموجود داخل جهاز الضحية و هذا المسبب الرئيسي لإغراق البريد بال """"Spam e-mails"""" .
من أشهر ال Spywere ملف Adware و هو يستخدم في أهداف دعائية بحتة من قبل الجهات المعنية في طرحه على شبكة الإنترنت و هو يقوم بجمع البريد الإلكتروني في أجهزة الضحايا و يذهب بها لسيرفر معين ليكون كم هائل من البريد الإلكتروني الفعال Active mail accounts كي يرسل لها لاحقا وابلا من إيميلات الدعاية.
*كيف تشتغل على bandwidth ولا على الجهاز مدري هي تشتغل ولا بمعنى اصح تنتقل لان bandwidth على قدر معلوماتي انه ناقل بيانات الشبكة ولكل موقع على الشبكة bandwidth خاص يتحكم في سرعته وموقعه وبناء عليه نحكم على جودة سرعات تصفح الموقع وببعض القيود في الموقع تحمي bandwidth من وصول spam و spyware اليه ..
لكن انا اتخيلت انها تدخل زيها زي باقي البيانات الي ترسل من الجهاز على الشبكة زي في "فلم الشبكات" بس بصورة مزيفة مثلا بملفات الكوكيز عشان كذا صعب انها تكتشف فيعقتد انها ملف كوكيز عادي ..
وفي عادةاصلا تقوم ملفات ال Spywere بخداع برامج مضادات الفايروس بالدخول لجهاز الضحية على أنها ملف Cookies من خلال bandwidth الموقع و بعدها تنفذ تعليماتها التنفيذية بإتصال الضحية بالإنترنت .
ــــــــــ
ما وصلت للمعلومة المطلوبة بس بالمحاولات من البنات نوصلها ..
وموفقييييييييين ..
فهمت السؤال غلط على بالي كيف يشتغل عشان كذا ما استوعب ..
ــــــــــــــــــــ
فعلا اجابات ممتعه .. بنات بشراكم وصلتوا للويزدوم موفقين في النهائي صح يا أ.ساره ^_^ ..
يعني الحين سباي وير بريمج صغير ممكن انه يكون اميلات كثيرة فعالة تاخذ من الباندويث ويرسلها سبام عشان كذا مرتبطين ببعض ؟؟؟
صح كذا ولا لا ؟؟؟
بمعنى السباي وير برنامج والسبام هي البريد المكون من هذا البرنامج ؟؟
مشاءالله مشاءالله ,,طلع فيه شرايح ونوت نذاكر منها والناس مدهره وانا ياغافلين لكم الله اذاكر من الكتاب الي اثقل مني ..
أ.ساره شكرااااا ع الشرايح والنوت
والله يوفق الجميع..
السلام عليكم ..
اجابة السؤال :
spyware
هو عباره عن برنامج صمم لأغراض تجسسيه
كيف يعمل::
بعد تنصيبه على الجهاز يبدأ في تسجيل كل الاحداث والاشياء التي تحدث على الجهاز ومن ثم ارسالها بصوره دوريه للجهه المرسله للبرنامج (الشرير)عند توفر الاتصال بالنت
عادةً ما يكون الهدف منه هو مراقبة سلوكيات شخص معين لمعرفة اهتماماته لاستغلالها ( يرسل له اعلانات عن الاشياء اللي يحبها عشان يشتري ويكسب من وراه )
أو لقافه وحب مراقبة الناس أو سرقة ملفات وارقام سريه .
أضراره التقنيه ::
بما انه برنامج منصب على الجهاز فلابد من انه سيأخذ مساحه من الذاكره ويبطئ المعالجه باختصار يستغل موارد الكمبيوتر للضحيه وهو غافل .
ذكرت سابقاً ان البرنامج يرسل البيانات للجهه المرسله له ..طيب عند ارسال البيانات يحتاج لـ(bandwidth)هنا مربط الفرس ..هذا الشي موجود أصلاً ويبدأ عمله عند بدء ارسال أي بيانات عن طريق النت.
(bandwidth)عباره عن سعة انتقال البيانات وطبعاً يستهلكها برنامج التجسس .....
ـــــــــــــــــــــ
spam
مسجات دعائيه ترسل لاهداف تجاريه وغالبا ما تكون مزعجه ولها اضرار منها انها تبطئ من سرعة انتقال المجات وتشغل mailserver على غير فايده وتستهلك كمان من ال(bandwidth)
اي بيانات تنتقل بحاجه ل(bandwidth)وهاذي البرامج والرسائل توظفه لاهدافها
ــــــــــــــــ
هذا اللي عندي والله أعلم ..
بالتوفيق للجميع وعذراً عن الاطاله..
السلام عليكم :
spyware
هي بالمختصر : هو برنامج يجمع المعلومات من المستخدم بدون علمه ويشتغل بدخوله في البرامج المجانيه او البرامج المؤقته
spam
هو بريد الكتروني يستحدم للدعايه عن المتجات و الخدمات و يشتغل عند فتح junk mail
bandwidth
يشتغل عن طريق ارسال البيانات من النت
السلام عليكم استاذه :سارا ..
بالنسبه للأختبار هل راح يكون مثل النصفي 90% موضوعي و 10% مقالي ..
ولكي جزيل شكري وامتناني ..
السلام عليكم ..
استاذة ساره الله يسعدك حطي لنا سؤال بونس في الاختبار علية 5 أو 3 درجات زي أ.هوازن الله يخليييييك .(بس ما يكون صعب :-)
وشكرا جزيييييلا ...
السلام عليكم ..
أ.ساره .. بالنسبة لجواب السؤال ..
اي قلت لي انتظر منك الاجابة :
What google do for thir customers?Why
السبب :
(اعتقد انه في شركات تبي تسوي اعلان عنها وتروح لشركة قوقل لعرض اعلاناتها مقابل مبلغ مادي علشان كذا يعرضون الاعلانات حقتهم وما يهملونها مع نتائج البحث عن اي مشابة للاعلان ولكن مفصولة عن بعض علشان ما تضايق المستخدم في البحث !).
صح كذا ولا لا استاذة ساره ؟
جابة على سؤال محرك البحث google
محرك البحث يشمل مواقع واعلانات وفي سياية جوجل انه يفصل بحث الاعلانات عن المواقع او بالاصح اعلانات الشركات المدعومة ..
لانها زي ما قالت اختي دافعة مبلغ لاعلاناتها وهو يكلفها على كل نقرة على اللينك دخل لجوجل وهي مكلفة جدا خصوصا اذا كان لينك الشركة مرتبط بمصطلحات بحث مشهورة ..
مو بس عشان ما ينزعج المستخدم عشان كمان ما تنزعج الشركة ..
والشركات كثير اي شركة ممكن جوجل تعرضها في sponsored result هذا يعتمد على كمية العروض الي منزلتها الشركة .. لان الفائدة المرجوة تكون للطرفين جوجل والشركات الي منزلة اعلاناتها عالمحرك ..
ننتظر تعليقك أ. ساره ..
موفقيييييييين
السلام عليكم ..
اذا سمحتي أ.ساره بناقش معاك النقاط السته لحالة ادارة امن النظم اليوم..
1- ان الفيروسات ادت لخائر ماليه للمنظمات وكلفتها خسائر اخرى بسبب الوصول غير المخول و denial of service attacks>>> ودي اعرف ترجمتها الصحيحه
"""""""""
2- قليل من المنظمات تستخدم التأمين الانترنت لتغطي التكاليف المحتملة من الهجمات ( تأمين يعني بنفس فكرة التأمين الطبي او التأمين السيارات اذا حصلت خسائر بسبب هذه الهجمات تأمين على النت يعوضه هذه الخسائر بس سؤال مين الي يمسك هذا التأمين في شركات مخصصة ولا كيف؟؟؟)
""""""""
3- قليل من المنظمات تبلغ عن تدخلات اجهزة غير مشروعه حتى تطبق علينا القانون خوفا من انها تسويلهم دعايات سلبية تأذي "قيم الاسهم" >>> اش تفسيرها؟؟
او يستفيد المنافسين من اخبار حوادث الامن في المنظمة >> ممكن انها تستغل هذه الحادثة بسرقه بيانات المنظمة وتطفلات اخرى او اذا فيها خير تروح تتنبه على امن منظمتها ..
""""""""
4- اغلب المنظمات ما تطلب نظام الامن خاص بها من جهات خارجيه outsourse زي الي كانت تسويه في بناء النظام لانه ممكن يكون غير فعال وما يخدم امن فعال للمنظمة او يكون معروف من منظمات اخرى تستخدم نفس النظام والله اعلم ..
""""""
5 - الى حد ما كل المنظمات تتصرف بشكل روتيني مع تدقيق امني مستمر >>>>> هذي النقطة تقصد روتين العمل ولا روتين الامن زي الدخول للمنظمة وكيف هذا الروتين ؟؟
""""""
6- غالبية المنظمات تعتقد ان تدريب امن الموظفين امر مهم ...>>> الكلام الي بعده ان بعض المنظمات ما تصرف كفايه على تدريب امن الموظفين
انتظر تعليقك أ. ساره وتعليقات البنات
__________________________________
لا تنسوا قراءة سورة الكهف الله يفتح علي وعليكم
____________
السلام عليكم ..
استاذة سارة صحيح في شابتر 4 في اخر جدول "الكنترول" ما نذاكر الوصف ؟؟بس نذاكر الامثلة ؟؟ولا لا ؟
أ/ ساره أنا عارفة اننا متعبينك بس والله بأدعيلك،،،
عندي كم شي ماني فاهمتة في شابتر 10 ولسه ما بدأت في 5 و 6 ....
* في فقرة computer literacy في جزئيه مكتوب فيها: may be the difference between being employed or unemployed.
يعني ايه الكلام دا؟؟؟؟؟
* وفي فقرة information accuracy في جزئية Difficult to track down the person who made the mistake
يعني ايه كمان؟؟
* وفي فقرة Information Property
مين يملك المعلومات؟؟ أتوقع تكون الحكومات وانه كل منظمة ( شركه أو مدرسه) يكون عندها معلومات اللي يعملوا فيها.
وكيف تباع وتستبدل؟؟عادي من شركة لأخرى لانه المنظمة لها حق بيع البيانات مدام مافي اتفاقية امان. صح ولا لا...؟؟
* في فقرة Cyber squatting اللي فهمته ان الشخص يشغل مجال اسم لشركة معروفه زي افون مثلا وبعدين يبيعه للشركة نفسها.. طيب ايش دا:Anti-Cybersquatting Consumer Protection Act in 1999
Fines as high as $100,000
Some companies pay the cybersquatters to speed up the process of getting the domain
*ويا أستاذه ألف شكر لك.. والله يسعدك جاوبيني على كل الاسئلة لأني ارتبك لمن يكون في شي ماني فاهمته واعصابي تتعب..
هذا بس في شابتر 10 والله يستر من الباااقي.. الحمد لله انك أستاذتنا والله من قلبي اقولها.
السلام عليكم
استاذة سارة يعني ايش دا اكلام الله يسعدك ..
في شابتر 10
Additional tips
Choose Web sites monitored by1- independent organizations
Avoid having cookies left on your2- machine
Visit sites anonymously-3
Use caution when requesting-4 confirmation email
؟؟؟؟؟؟
وشكرا على سعة صدرك الله يسعدك في هاذي الساعة المباركة ويوفقك دنيا واخرة ....اللهم امين
رد على ...
"السلام عليكم
استاذة سارة يعني ايش دا اكلام الله يسعدك ..
في شابتر 10
Additional tips
>>>>>>>>>>>>>>>>>>>>>>>>>>>>.....
خلاص تسلمين استاذة سارة سألت عنة وفهمتة ... شكرا ..
السلام عليكم
ابغا اقول حاجة
انا خصصت يوم الأربعاء لشابتر 1 و 7 و 9 لأن كلها قد ذاكرتها ودوبي اليوم الجمعه خلصت 9 وكمان مو مره
يعني بالله الشباتر الجديده اللي ما قد ذاكرتها كم بتاخذ مني ؟؟؟!!
مع إني ما أخرج ولا مكان بس محبوسه في الغرفه مع الIS ومذاكرتي بفهم وليس بحفظ فقط...
أول مره أحس نفسي كسلانه لهذي الدرجه وأحيانا أجلس أبكي من هذي الماده ,بس الله يعين...
على الأقل سويتي شي ...
لاتكتئبين ....عادي الحال من بعضه ...
انا سرت حتى ماافكر انجح او ارسب اهم شي اختم ....والله يقدرني على التختيم
المصيبه على قولتك اني فاهمه ISاكثر من اي ماده ثانيه وليش ما اجاوب وليش ما اقدر اختم ؟!!!والله ما ادري ....
لكل مجتهد نصيييييييييييييب وربي يعوضك ولو بعد 1000سنه انتي بس ختمي ويصير خير ...
لا تخلين عقلك اسير دوامة الدرجات ...
ملاحظه ( انا يادوووووب مختمه شابترين !!!!!) شوفو مين ينصح ..لا وقاعده فيها منذ أزل بعيييييد...
شده وتزووووووووووول باذن الله ...
ذاكري وخلي الباقي على الله ..وترى الماده حلوه وممتعه بس احس انها شوي اكبر من راسي...الحمد لله على كل حال ..والاستاذه صراحه ماقصرت ولو لني انا اللي أدرس هذي الماده والله ما اسوي مثل ما سوت ...وهذا الشي اللي يحمسني للمذاكره أحسها قاعده معانا على الكتاب تذاكر ...على الأقل نشكرها بالشي اللي نقدر عليه وهو المذاكره ...
ان شاء الله اكون رفعت معنوياتك ..
بالتوفيق ..ولاتنسونا من الدعوات
عارفه ان هذي صفحة مراجعه بس ما حبيت اخلي البنت لوحدها ..آآسفه
السلام عليكم ..
اش يعني ذا الكلام في شابتر 10 بنات الي تعرف تساعد أ. ساره و ترد الله يعطيكم العافية أ.ساره مرة مشغولة...الشريحة رقم 21
Many businesses have guidelines for appropriate use
Universities endorse guidelines proposed by EduCom
Responsible computer use (based on work of the Computer Ethics Institute) prohibits.
واش يعني استخدام الكمبيوتر لتحمل شهادة الزور ؟؟؟
بالتوفيييق جميعا ..
لاإله إلا الله الحليم الكريم,لا إله ألا العلي العظيم,لاإله إلا الله رب السموات السبع ورب العرش العظيم.
ودعاء آخر,اللهم يافارج الهم كاشف الغم مجيب دعوة المضطرين,رحمن الدنيا والآخرة ورحيمهما,أنت ترحمني فإرحمني برحمة تغنيني بها عن رحمة من سواك
دعاء يونس عليه السلام : لا إله إلا أنت سبحانك إني كنت من الظالمين...حيث يقول الله تعالى:
" و ذا النون إذ ذهب مغاضباً فظن أن لن نقدر عليه فنادى في الظلمات أن لا إله إلا أنت سبحانك إني كنت من الظالمين * فاستجبنا له ونجيناه من الغم وكذلك ننجي المؤمنين "
(الأنبياء 87-88).
كذلك الاستغفار بشكل مستمر فعن ابن عباس رضي الله عنه أن رسول الله صلى الله عليه وسلم قال :
" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب".
اللهم فرج كربنا و أذهب عنا همنا..آمين.
واللهـ مآآ طلع عيوني غير شابتر 10 لكن إنـ شآآء اللهـ اكون قدها وقدود:)
يانآـآس واللهـ اني أح ـب المادهـ بســ... الله يعين
اللهم اني أحبها (أ-سارهـ) فيكـ
وسلامتكمـ :)
رد على ليان
كلامي مو أكيد لكن محاولة ..
يمكن الفايده منها إنه أ.سارة الله يعطيها العافية تصحح المفاهيم الخاطئه (لو كانت خاطئه)
بسم الله
السطر الأول:
معظم لأعمال لديها قوانينوأسس متبعه حتى تُستَخدم الإستخدام المناسب والصحيح..
السطر الثاني:
الجامعات تصدق القوانين التي وضعتها مؤسسة EduCom وتعمل بها..
السطر الثالث:
الإستخدام المسؤول للكمبيوتر(يعني الإستخدام العاقل الصحيح) حسب عمل مؤسسة أخلاقيات الحاسب تمنع الآتي:
وبعد كذا سرد للأخلاقيات الممنوعه
وبس
بالتوفيق..
السلام عليكم جميعاً
بونس لكل من:
1. شهد ناقور <<< أول اجابة مجملة عن السبام
2. عزة الثقفي <<< أول اجابة مجملة عن السباي وير
3. حنان المجنوني <<< أول اجابة مفصلة عن السبام
4. سارة برنجي <<< استنتجت علاقة هامة ( السباي وير برنامج والسبام البريد المكون من هذ البرنامج )، كيف؟
السباي وير برنامج على جهاز الضحية يتم من خلاله تتبع تحركاته وارسال ملخص عن اهتماماته الى صاحب البرنامج ليتم توجيه ايميلات دعائية كثيرةعلى بريد الضحية الالكتروني (سبام ) بحسب اهتماماته التي تم جمعها مسبقا بواسطة البرنامج.
5. هند الزهراني <<< اجابة نموذجية
السلام عليكم ورحمة الله وبركاته...
استاذه ساره,, ممكن اعرف اي هي الجدوال اللي في شبتر سبعه معانا لانك ما تكلمتي معانا على الجداول في شبتر سبعه بس جدول 2-7 قلتيلنا في النصفي قرائه,,, والباقي والله مالي عارفه معانا ولا لا.
وشكراا
وعليكم السلام ورحمة الله وبركاته...
أستاذه لو سمحتي عندي فقره في شابتر 6 ماني فاهمتها لمن اترجم الكلام يطلع مو تماام يمكن ترجمتها لازم تكون بالمعنى ممكن تعطيني ملخصهاعشان افهم.. اللي هيا فقرة: Protection Against Spam
حاسة انك طفشتي مننا،،، الله يعطيكي العافيه ولا يحرمك الاجر،،،
وقفنا امس عند سؤالك يا عزة
شابتر 6
شريحة رقم 26
عنوان الشريحةEncryption for Websites
___________
هذه الشريحة مرتبطة بالشريحة اللي قبلها
بعد ما تعرفنا على مفهوم التشفير بدأنا نستعرض تطبيقات التشفير:
1. للايميلات استخدمنا Public key technology
2. للمواقع ظهرت تقنيتين تعتبر تطبيقات للتشفير وهي :
- Certificate Authority
- Secure Sockets Layer (SSL)
الـ Certificate Authority ببساطة
جهة لها سلطة أو صلاحية على الانترنت تقوم بمنح الشهادات الرقمية للمواقع الالكترونية، تحتاج المواقع لشهادات رقمية لتثبت موثوقيتها لدى المتصفحين المتعاملين مع الموقع وغالبا تستخدمها المواقع التجارية التي تحتاج الى تعاملات مالية مع زبائنها.
وهذا هو ما ذكر بايحاز في الشريحة:
Third party – trusted middleman
هي طرف ثالث لها صفة اعتبارية موثوقة بين صاحب الموقع والمتصفح.
Verifies trustworthiness of a Web site
الهدف منها تثبت جدارة الموقع بالثقة
Checks for identity of a computer
Provides public keys
تستخدم ايضا للتحقق من هوية جهاز كمبيوتر ما عبر منحه مفتاح عام يثبت أنه معتمد من جهة موثوقة
وعلى فكرة الطرف الثالث هذا واللي له جهة اعتبارية شركات لها مواقع على الانترنت من اكبر الشركات العاملة على تقديم مثل هذه الخدمات verisign
http://www.verisign.com/
أما التطبيق أو التقنية الثانية
- Secure Sockets Layer (SSL)
برضه تقنية تعتمد على التشفير توفر قناة آمنة لتبادل البيانات بين الموقع والمتصفح تستخدمها الياهو والهوتميل في صفحة ادخال الرقم السري وتظهر في صورة قفل اصفر في أسفل المتصفح
ويكفي تعرفين عن هذه التقنية اسمها وانها من اصدارات شركة نيت سكيب
شموخ يقول...
السلام عليكم استاذه :سارا ..
بالنسبه للأختبار هل راح يكون مثل النصفي 90% موضوعي و 10% مقالي ..
ولكي جزيل شكري وامتناني ..
_________________
وعليكم السلام
نعم راح تكون النسبة الاكبر من الاختبار أسئلة موضوعية
موفقين
:-) يقول...
السلام عليكم ..
أ.ساره .. بالنسبة لجواب السؤال ..
اي قلت لي انتظر منك الاجابة :
What google do for thir customers?Why
السبب :
(اعتقد انه في شركات تبي تسوي اعلان عنها وتروح لشركة قوقل لعرض اعلاناتها مقابل مبلغ مادي علشان كذا يعرضون الاعلانات حقتهم وما يهملونها مع نتائج البحث عن اي مشابة للاعلان ولكن مفصولة عن بعض علشان ما تضايق المستخدم في البحث !).
صح كذا ولا لا استاذة ساره ؟
_____________________
وعليكم السلام
ممتاز صح
اذن اش تسوي قوقل لعملائها؟
تعرض لهم نتائج البحث الدعائية المدفوعه الثمن بمعزل عن نتائج البحث الاخرى
لماذا؟
حتى لا تضايق مستخدمي محرك البحث بالاعلانات، اذ ان الغرض الاساسي من استخدام المتصفح لمحرك البحث الحصول على معلومةما.
شكرا استاذة سارة .. ربي يسعدك من الصباااح استناك تردين ..
ساره برنجي يقول...
جابة على سؤال محرك البحث google
محرك البحث يشمل مواقع واعلانات وفي سياية جوجل انه يفصل بحث الاعلانات عن المواقع او بالاصح اعلانات الشركات المدعومة ..
لانها زي ما قالت اختي دافعة مبلغ لاعلاناتها وهو يكلفها على كل نقرة على اللينك دخل لجوجل وهي مكلفة جدا خصوصا اذا كان لينك الشركة مرتبط بمصطلحات بحث مشهورة ..
مو بس عشان ما ينزعج المستخدم عشان كمان ما تنزعج الشركة ..
والشركات كثير اي شركة ممكن جوجل تعرضها في sponsored result هذا يعتمد على كمية العروض الي منزلتها الشركة .. لان الفائدة المرجوة تكون للطرفين جوجل والشركات الي منزلة اعلاناتها عالمحرك ..
ننتظر تعليقك أ. ساره ..
موفقيييييييين
_________________________
ممتااااز سارة
تطرقت لمفهوم ظهر مع ظهور التجارة الالكترونية
مفهوم دولار بير كلك
السلام عليكم
يا أستاذة سارة
ممكن تساعديني في شبتر 10 ماني فاهمه الرسمه في شريحة 20
و information accessepility
وجزاكم الله خير.....
السلام عليكم ورحمة الله :
أ. ساره اسمحيلي بطول بس لاني ابغى اجمع كل الاشياء الي مريت عليها في الثلاث الشباتر الاخيرة ..
شابتر 6 :
information modification كأنك تتكلمي عن مراحل انه اول شيء يوصل وبعيدن يغير المعلومات وفي المثال يشمل نوعين الموضظف الي يرفع نفسه (مسموح له بالوصول بدون استخدام ) والثاني الكراكرز (غير مسموح له بالدخول والاستخدام )
spim ( نقدر نقول انه سبام لحظي رسالة اعلانية لحظية؟؟؟ )
في الكوكيز : آخر نقطتين
ادراة الكوكيز وبرامج الكوكيز القاتلة ... يعني اشياء يوصى باستخدامها بالنسبة للكوكيز
والثانيه : internet Explorer web browser setting >>> اش المقصود منه ؟؟
في نقطة برامج السيطرة على الدخول آخر نقظة business system application
يعني بالنسبة للتطبيقات يكون في البناء(يعني في نظام اعمال التطبيقات ) قابليات سيطرة على الدخول لها؟؟
في آخر نقطة في الاحتياطات التقنيه :
قسم تقنية المعلومات يحتاج لمراقبة هذا النشاط >>> مافهمت النقطة هذي
والصور بس للتوضيح ؟؟؟
____________
شابتر 10
في الكمبيوتر ليتراسي" May be the difference between being employed or unemployed
>>> كيف يعني هذا الاختلاف ؟؟
في نقطة خصوصية المعلومات :
سرقة الهوية : اصبحت اسرع نموا كجريمة معلومات و البيولوجيا افضل طريقة للحمايه هذه هي النقطتين ؟؟
والجمله هذه
Companies seem to know about our every move – how much information do we need to reveal?
Amazon.com is famous for personalization
What are the costs?
افتكر ناقشناها في المحاضرة بس او نقطة ان الشركة تبدو انها تعرف كل حركة اش علاقتها بالسؤال ؟؟
فاصل ونواصل >>> أ. ساره اعذريني على التطويل
_____________________
عدنا والعود احمد مصلين على نبينا مثنين على ربنا
السباي وير :
Unlikely this activity will become illegal anytime soon
؟؟؟ بالعكس تجي بمعنى انه قريبا تكون عملية شرعيه ؟؟
الكانيفور : هل يسوي نسخ لكل البينات الي تمر عالشبكة ولا المشتبه بها فقط ؟؟
شابتر خمسة تعاريف الشبكات نرجعلها في القاموس ولا نكتفي بالنوت ؟؟ وصورها توضيح بس ؟؟
آسفة اني طولت بس عشان ما أسأل كل شوي كومبايلر مره وحده ...
ان شاء الله ما يطلع غيرها
مشكوووووووووووورة أ. ساره والله يعطيك العافيه
الله يعطيك العافية يا سارة أغلب الأسئلة هاذي مرت علي ورجعت للكتاب حست فيها ,وكنت ناوية أسأل استاذة ساره عنها...
الله يعينك استاذة سارة على الرد....
_______________
معليش سؤال بسيط :
في شابتر 10 :
الشريحه رقم 21 :
كيف يستخدم الكمبيوتر لتحمل شاهد زور؟؟؟
وعليكم السلام ورحمة الله وبركاته..
أهلا سارونه أسمحيلي يا عسل اقول اللي اعرفه يمكن يفيدك وانتظري الجواب الاكيد من أ/ساره (الأفضل)
في فقرة:سرقة الهويه: صحيح انها اصبحت الاسرع تزايد في جرائم المعلومات وعشان نحصل على حمايه اكثر يفضل انه يكون التعريف ببصمة الاصابع مثلا أو ببصمة العين أو تحليل الDNA يعني حاجات ما تنسرق ولا تتقلد...
______
بالنسبة للكانيفور تمر عليه كل البيانات...
اللي يباها او يشك فيها يسويلها نسخ والباقي ما ينسخه...
_____
ياااااارب تطلع الاجوبه صح عشان احس اني ذاكرت..
وبالنسبه لشابتر 6 مااقدر افيدك ما ذاكرته ان شاااء الله بكره امسكه..
دمتم بخيييييييييييييييير
____
السلام عليكم ورحمة الله وبركاته ..
في الفصل الأول :
ايش هو الفرق الجوهري بين نظم المعلومات وتكنلوجيا المعلومات ؟؟
انا فهمت ان اي شي تجتمع فيه مكونات نظم المعلومات هو مثال عليها وأي شي يحتاج لبرمجه ولقاعدة بيانات لادارته هو من تكنلوجيا المعلومات ..
مثل آلة الحفر اليدويه اذا انضافت عليها بيانات وقدرنا نديرها عن بعد تصبح مثال عن تكنلوجيا المعلومات ..
كذا صح أو لا ..
انا بس اكتفيت بأمثلة الكتاب ..بس لو جاء مثال غيرها ما أظن اني أقدر أجاوب .
جزاك الله خير ..والله يجعل لك ولأي وحده تساعد البنات في كل حرف تكتبه حسنه..آمين
وعليكم السلام اهلين هند..
شوفي انا اللي فهمته انه:
((تكنولوجيا المعلومات)) هي عباره عن آلة ندخل فيها كم هااائل من المعلومات عشان تشتغل مو زي ما قلتي بس بيانات //انتبهي// لأنه مثلا المكيف احنا ندخل فيه بيانات بسيطة :درجة الحراره اللي نباها والتهويه وغيره بس ما يعتبر من تكنولوجيا المعلومات هو عباره عن ((تكنولوجيا)) فقط..
تكنولوجيا المعلومات زي الربورت..
وبالنسبه لنظم المعلومات زي كل اللي درسناها وأشهرها نظام صرف الرواتب هههه
والله يوفقك ويوفقنا ،،
جواب الاخت ساره برنجي ::
بالنسبه information modification
المقصود فيها تعديل بيانات النظام ..
شي أساسي لأي شخص يبغى يعدل البيانات لازم يكون على اتصال الكتروني( توصيل الكتروني ) عشان يوصل لبيانات النظام
مين يستفيد من تغير البيانات ::
1/موظف من داخل الشركه يعطي نفسه علاوه .
2/كراكر يستقصد نظم معلومات مهمه ويبدل المعلومات اللي فيها لأغراضه الشخصيه ..
أما الباقي انا ابغى أحد يقلي الجواب ..
ان شاء الله يكون صح ..خذي الجواب الأكيد من الأستاذه .
استاذه ساره ممكن اعرف في في الاختبار سؤال عرفي وكم سؤال اشرحي والجداول كيف تجي فراغات ولا اختياري
السلام عليكم ..
استاذة سارة السلف ستدي الي في شابتر 6 "حالة ادارة نظم المعلومات اليوم " نفهمها ونحفظها بالانجليزي ولا بس بالعربي ؟..
وجزاك الله خير ..
ياربي كل ماقرب الاختبار نبضات قلبي تزيد اخاف يوم الاختبار يوقف قلبي ...
انا خلصت مذاكرة بس باقيلي شابتر 5 بس مرة شايلة هم
والواجب كيف يكون تسليمة فوقت الاختبار ولا بعد ؟؟؟
أهلا سارونه أسمحيلي يا عسل اقول اللي اعرفه يمكن يفيدك وانتظري الجواب الاكيد من أ/ساره (الأفضل)
في فقرة:سرقة الهويه: صحيح انها اصبحت الاسرع تزايد في جرائم المعلومات وعشان نحصل على حمايه اكثر يفضل انه يكون التعريف ببصمة الاصابع مثلا أو ببصمة العين أو تحليل الDNA يعني حاجات ما تنسرق ولا تتقلد...
"""""""""""""""""""''
اهلا غدير مشكورة يا عسل الله يعافيك بس قصدي يعني وجود الفقرة هذه يقصد انه تبعا لوجود خصوصية المعلومات على النت وجدت ظاهرة سرقة الهوية واصبحت الاسرع نموا ويحتاج لها سكيرتي عالي وهو البيولوجيا ابغى اربطها بوجودها في خصوصية المعلومات...
______
بالنسبة للكانيفور تمر عليه كل البيانات...
اللي يباها او يشك فيها يسويلها نسخ والباقي ما ينسخه...
مشكووووووورة يا عسل الله لا يحرمك الاجر
موفقين
المقصود فيها تعديل بيانات النظام ..
شي أساسي لأي شخص يبغى يعدل البيانات لازم يكون على اتصال الكتروني( توصيل الكتروني ) عشان يوصل لبيانات النظام
مين يستفيد من تغير البيانات ::
1/موظف من داخل الشركه يعطي نفسه علاوه .
2/كراكر يستقصد نظم معلومات مهمه ويبدل المعلومات اللي فيها لأغراضه الشخصيه ..
"""""""""""""""
مشكورة هند الله يسعدك ويعافيك
عارفه كلامك هذا بس انا قصدي ربطها بالموضوع الاساسي انه عشان اغير المعلومات
المستخدم يوصل للمعلومات سواء مخول او لا ..كمرحلة اولى
بعيدين يغيرها وهذي النقطة للاثنين الموظف والكراكرز غير مخول لهم ..كمرحلة ثانيه
والمثالين هذه صنفتها انه في ناس مخول لهم دخول بدون استخدام زي الموظف يغير المعلومات لصالحه
والثاني انه في ناس يغيروا المعلومات وهو لا مخول لهم لا دخول ولا استخدام زي الكراكرز
_______________________
وموفقين يارب على اجتهادكم ...
الله الله طلع في بونس وكمان راحت علينا:')
الله يعوضنمختاجين لربع الدرجها خير والله
السلام عليكم
أستاذه سارة استغربت من حاجة
مو احنا قلنا انو للحماية من السبام نستخدم فايروول طيب ليش في شابتر 10 يقول القليل من الحماية متوفرة ضد السبام
ثانيا مني فاهمة هذه الجمل
1- web sites might not function properly without cookies
2-في جزئية السباي وير
unlikely this activity will become illegal anytime soon
وجزاكي الله خير
السلام عليكم ورحمة الله وبركاته...
استاذه ساره ,,,
هل supermarket مثال على
click-and-montar
وشكراا
معليش وكمان لو جبتيلنا مقارنه بينهم الثلاثه نكتب بالعربي ولا بالانجليزي وتعاريفها اللي باخر الكتاب نحفظها ولالا
السلام عليكم،،
ايوهـ يا ساره زي ما قلتي..
بما انه في معلومات سريه على النت اكيد في كراكرز يبو يسرقوها ويستفيدوا منها.. من هذه النقطة ظهرت سرقة الهويه وزي ما قالت أ/ساره:
(( كل ما تظهر جريمة لازم يكون لها مكافحة يعني وسائل حماية منها )).
وبالنسبة لتغيير البيانات عندي تعليق بسيط ممكن يكون اللي غير البيانات موظف مسموح له بالوصول وبالاستخدام لاكن ما عندو أمانة فيغير المعلومات الموجودة لصالحة: يعني مثلا من خارج الكتاب: في شركة الاتصالات ممكن موظف ما عندوا امانه يوزع فاتورة جواله على المستخدمين في الشركة يعني لو زود على كل مستخدم ريال ولا نص ما احد بيحس لانه المستخدمين كتير..وهو له الحق انه يطلع على كل معلومات المستخدمين ويعدل فيها(( بس هو بيتلاعب فيها ))
وان شاء الله اكون افدتك بطريقه صحيحة..
__________
ياااربي وفقنا،،،
السلام عليكم ...
أ. ساره ,,,,
ياليت تكلمي استاذه هوازن تنزلنا الدرجات حقت الاختبارين النصفي ودرجات الواجب يا ليت الله يعطيكي العافيه ,,, وشكرا
رائع غدورة مشكوووورة فاتتني النقطة هذي الي مسموح لهم دخول واستخدام ويستغول هذا الشيء لمصالحهم او ضرر الاخرين ..
بنفس فكرة الوصول الغير مخول انها تصير بطريقيتين يا سرقه او انه ممكن يحصل على منزلةمدير بس بالاصح نقول انه """يستغل""" حصوله على منزلة مدير وليس مجرد الوصول ..
والله يوفقنا يارب
- web sites might not function properly without cookies
-----------------------------
يعني إن بعض المواقع التعليمية - مثلا موقع لتعليم اللغة الإنجليزية - يطلب منك عدم حذف الكوكيز ، لكي تستمر سلسلة الدروس - دروس الإنجليزي على سبيل المثال - بناءا على بعض البيانات الخاصة بك و التي يحصل عليه الموقع من هذه الكوكيز .
-----------------------------
unlikely this activity will become illegal anytime soon
-----------------------------
يعني إن الـ spyware سوف يصبح قريبا عمل غير شرعي - حاليا مسموح به - .
و الله أعلم ، وفقكن الله لما يحبه و يرضاه.
السلام عليكم ..
أ.سارة على طاري البونس من أخذ البونس في المشروووع ؟؟؟
وياليت تحطي لنا بونس في الاختبار ..
_____________________________
جُزيت خيرا...
السلام عليكمـ ورحمة اللهـ وبركآـآتهـ ...
لوسمحتوا يا بنات .. ممكن وحده تشرحلي الاستراتيجيات والفرق بينها ؟
انآـآ عندي نصيحة للبنات اللي متخوفين من التعاريف..
*ترجموا الجمل بالعربي وافهموا وياليت تحفظوه وبكذ1 لما تجوا تكتبوه بالانجليزي رآح ترجعوا للمصطلحات اللي ح ـتلاحظوا انها هي الكي وورد ويسهل حفظهآ
..* الله يسهل لنآـآ *..
السلام عليكم
عفواً هناء تم التعديل..
هناء العيوني صاحبة اول اجابة مفصلة عن السبام ..
غير معرف يقول...
السلام عليكم ..
استاذة سارة صحيح في شابتر 4 في اخر جدول "الكنترول" ما نذاكر الوصف ؟؟بس نذاكر الامثلة ؟؟ولا لا ؟
__________________
وعليكم السلام
لا مو صحيح
الوصف معاكم .
والامثلة اول مثالين من كل كنترول.
أستاذة ساره الله يعافيك ويرزقك الخير وين ما كان ويجعل الفردوس مثواك ومن احببتي ..
سوي في الاختبار بونتس والله يا استاذه ان الدرجات تجيب الهم والله اني شوي وابكي منها الله يعافيك قولي آميييييييين ..
واذا على الـ A+ مثلا انا عارفه اني ماراح اجيبها ..
استاذه قسم بالله اني خايفه انو معدلي ينزل وانا توي ببداية المشوار ومصيبه لو نزل لانه من الصعب اني ارفعه وتذكري قوله صلى الله عليه وسلم "من نفس عن مسلم كربة من كرب الدنيا نفس الله عنه كربة من كرب يوم القــــيـــــــامه"
وانا متأكده انو هذا طلب أغلب البنات اذا مو كان كلهم وصدقيني ماراح ننساك من دعائنا طول السنوات الجايه..
وفقك الله وسدد خطاك وجعل الفردوس مثواك ..
أختك / المكروبه
السلام عليكم
أستاذه انا ذاكرت شابتر 6 بس عندي بعض الأسئله فيه...
1.ايش يعني الBrute force ؟؟؟
2.عادي نكتب التعريفات اللي في القلاسوري بالعربي زي تعريف الzombi computers لأني فاهمتها بالعربي بس بالإنقلش لا؟؟؟
3.ممكن تجي رسمه في الإختبار وكيف يجي سؤالها؟؟؟
4.كيف تكون الspywareداخل الfreewareو ال shareware??
5.الspimهو spam over IM طيب ايش هوا ال IM؟؟؟
6.Internet Explorer Web browser settingsانا فاهمه كل كلمه لوحدها بس المعنى مو راضي يتركب معايا؟؟
7.إذا فيه عددي في الإختبار فإيش هوه أقصى تعداد ممكن يجي؟؟
8.بالنسبه لself study اللي في نفس الشابتر عادي يكون بالعربي وانا عارفه إنو مهم بس مافي وقت احفظه بالإنقلش؟؟؟
وشكرا...
س1 : * في فقرة computer literacy في جزئيه مكتوب فيها: may be the difference between being employed or unemployed.
يعني ايه الكلام دا؟؟؟؟؟
ج1: اكبر دليل على ان القدرة على التعامل مع الحاسب الآلي اصبح مهما وعدمه دليل امية الشخص- ان الجهل بالحاسب هو الفارق بين الموظف والعاطل عن العمل
_____________________________
س2: وفي فقرة information accuracy في جزئية Difficult to track down the person who made the mistake
يعني ايه كمان؟؟
ج2:وضحناها في المحاضرة بمثال المريض اللي مات بسبب جرعة زائدة من الدواء
وقلنا لو جينا بنشوف من المخطئ عشان نحاسبة يمكن ما نقدر، افتكرتيه؟؟
_______________________________
س3: وفي فقرة Information Property
مين يملك المعلومات؟؟ أتوقع تكون الحكومات وانه كل منظمة ( شركه أو مدرسه) يكون عندها معلومات اللي يعملوا فيها.
وكيف تباع وتستبدل؟؟عادي من شركة لأخرى لانه المنظمة لها حق بيع البيانات مدام مافي اتفاقية امان. صح ولا لا...؟؟
ج3:صح
_____________
س4: في فقرة Cyber squatting اللي فهمته ان الشخص يشغل مجال اسم لشركة معروفه زي افون مثلا وبعدين يبيعه للشركة نفسها.. طيب ايش دا
___________________
:Anti-Cybersquatting Consumer
Cybersquatting زي ما قلتي
ولما نضيف على نفس المصطلح كلمة Anti
راح يصير المعنى مضاد اللي قلتيه،
___________________
Protection Act in 1999
هنا بيقول لك ان الحكومة قامت باتخاذ الاحتياط اللازم لمحاربة مثل هذه الجريمة في اكتوبر عام 1999
___________________
Fines as high as $100,000
من الاحتياطات التي اتخذوها انهم وضعوا غرامات على مرتكبي هذه الجريمة تزيد على المليون دولار
___________________
Some companies pay the cybersquatters to speed up the process of getting the domain
وهنا بيفسر لك ليش بعض الشركات تخضع للمجرمين وتدفع لهم المبلغ اللي طالبينه مقابل الدومين ---> وهو لتسريع عملية الحصول على الدومين حتى لا يتعطلون عن تدشين موقعم الرسمي.
موفقين يارب
السلام عليكم ورحمة الله وبركاته
فين مكان الاختبار النهائي لمقدمة في نظم المعلومات ؟؟
مساء الخير على الجميع ...
* في سؤال جا في الاختبار النصفي للبنات إللي اختبروا يوم الأحد وأنا واحدة منهم ، ماعرفت أحله إللي هوّا عن المقارنة بين :
Object-Oriented Analysis and Design والطرق التقليدية .. إيش هوّا الجواب الصح ؟؟
* كم أرقام قاعات الاختبار النهائي ؟؟
وشكراً ..
42905211 يا عسوله أنا أختبرت السبت بس أقولك الجواب اللي حأكتبه لو جاني السؤال دا:
هيا اربعه فروق,,,
1) في الطرق التقليديه(SDLC) يكون نموذج البيانات والعمليات منفصل (separate) أما في الـ (OOA&D)يكون مجمع (integrated).
2) في الطرق التقليديه(SDLC) تكون الرسومات المستخدمة (ERD & DFD) أما في الـ (OOA&D)تكون (opject model).
3)في الطرق التقليديه(SDLC) تكون لغات البرمجة (transolation language)
أما في الـ (OOA&D)تكون (opject orinted language).
4) لغة البرمجة في الـ (OOA&D) اللي هيا (opject orinted language)تكون معده مسبقا (preexsting)ممكن تستخدم كما هي أو يعدل فيها أو يبدأ من الصفر.
________________
أتمنى أكون أفدتك وأدعيلي أختم المنهج..
ياااربي وفقنااا،،،
معلييييييييييييه يا (42905211)
بس اضاافة بسييطه على الفقرة الرابعه انو الـ (SDLC) لغة البرمجة تبعها اللي هيا(transolation language)دااائما تبدأ من الصفر.
ودمتم
أستاذة سارة السلام عليكم ...كيف أ/سارة ان شاء الله تكونين بخير
1_أ/سارة عندي سؤال بخصوص الواجب صح انو نختارخمس مواد ونقراها ونفهمها بس بالأهداف ايش تقصدي بيها هل انو نكتب نحنا الأهداف اللي فهمناها من المادة ولا قصدك نكتب اهداف المادة على ايش تنص....؟
2_وبخصوص فقرة اضافة وتعليق عادي لو كتبنا اسئلة او معلومات اضافيه من عندا بخصوص المادة المختاره...؟
3_وعندي طلب يا استاذه اذا تقدري الله يخليك اعتبريه تحسين لإختبارنا النصفي لانه خايفين درجاتنا تنزل مع النهائي واللي هو: في الواجب نختار خمس مواد من التسعه وعلى كل مادة درجه تيب يا استاذه لو نحنا حليناها كلها ياريت بدل خمس درجات تخليها 9 درجات ....
وسامحينا يا استاذه تعبناكي معانا والله يسعدك يا استاذه ويجعلها في ميزان حسناتك يارب
السلام عليكم .....استاذه ساره...حبيت اطلب منك طلب...في البدايه يعني في بداية الترم انتي قلتيلنا لاتشيلوا هم الدرجات معايا ....اهم شي تدخل في مخكم الماده العلميه.....ووالله العظيم بنحاول بكل مافينا من طاقات ندخل الماده العلميه ونجتهد فيها ....بس شفتي النتيجه..في النصفي....يعني لاتعليق على درجاتنا الا من رحم ربي...
نحنا مانبغا ال أ+ بس راضين باقل
يعني لو الطالبه بعدت عن الفل مارك شويه خليها أ وهكذا................الله يسعدك انسي درجات النصفي لانها وربي ماتشرف>>>
وشكرا>>>>>
مساء الخير والسرور..والمسك والبخور..
شكراً غدوره على الإجابة والله يوفقك ويساعدك..وإن شاالله تختمي وتراجعي كمان..الله يعين..إن شالله تجي الأسئلة سهلةوالكل يقدر يحلها..ما أدري عندي إحساس..ويمكن يخيب الله أعلم..يالله باي
أستاذه : سارة .
أنا عارفه إنو نحنا أقلقناك و أشغلناك بس و الله مما ننسى معروفك هذا
بس في سؤال المشروع أجاوب على الجزئية اللي بحثتها فقط و الا كل الشابتر .
لأنو ما كان في وقت نشرح لبعض , و الشرح اللي معاكي كان مقصر جدا لضيق الوقت .
جزيتي خيرا
أ.. ساره فين الدرجات الباقيه ليش ما نزلتيها والله حاسه انو في سبب يعني قصتي الدرجات اللي ما نزلت مررره نازله
اختي .. غير معرف
أ.ساره مرررره مشغولة تخيلي كم ورقة تصححها ومو اي تصحيح يعني لو انها ما تصحح بضمير مع مراعاة البنات كان ما اتأخرت الدرجات .. وكم بنت تستنى الجواب منها تراها بشر اش تتحمل اكثر من كذا
الله يعطيها العافيه على كل الي تسويه
ويمكن ما يكون هذا القصد تفائلي وربي يكتبلك الي فيه الخير ..
أ-سارة ياريت تحاولي تجاوبي على اكبر قدر من الأسئلة الي سألوها البنات لأنو في بعضهم سألو أسئلة ونا عن نفسي ودي اعرف اجاباتها بس لسه ما رديتي عليهم
استاذه ساره,, ممكن اعرف اي هي الجدوال اللي في شبتر سبعه معانا لانك ما تكلمتي معانا على الجداول في شبتر سبعه بس جدول 2-7 قلتيلنا في النصفي قرائه,,, والباقي والله مالي عارفه معانا ولا لا.
وشكراا
"""""""""""""""
في شابتر سبعه الجدوال هي : 7.1 هذا مشروح مع النوت الي نزل في واجب الباتش والاون لاين ..
7.2 يكفيك انك تكوني فاهمة اش يعني ومثال ..
وجداول خصائص الانظمة الثلاثة 7.3 و 7.5 و 7.6
وجدول 7.4 انواع التقارير
بنات حاولوا تساعدوا أ. ساره في الاجابة على البنات لا تبخلوا بالمعلومات ال عندكم
والله يوفقك ويساعدنا جميع
______
وعليكم السلام ورحمة الله وبركاته...
أستاذه لو سمحتي عندي فقره في شابتر 6 ماني فاهمتها لمن اترجم الكلام يطلع مو تماام يمكن ترجمتها لازم تكون بالمعنى ممكن تعطيني ملخصهاعشان افهم.. اللي هيا فقرة: Protection Against Spam
"""""""""""""
ملخصها
انه ماادم ظهر عندنا شيء ضار يبغاله حمايه وللحمايه ضد السبام انتج جهاز الباركودا سبام فايروال 600 وهذا الجهاز يأدي دوره كالتالي..
يسوي للسبام والايميلات الي تهددك بالخطر تصفيه ..
وينقص من حجم السبام تعالج من قبل مركز سيرفر الايميل ..
ويعالج من 3000 الى 10000من انشطة مستخدمي الايميل
والجهاز هذا يسوي للسبام بلوك او حجز ..
أ. ساره يكفي تقول صح او تعدل اذا في خطأ في المعلومة ..
ان شاء الله استفدتي والله يوفقك ..
والله انا عرفه انو استاذه ساره مشغوله وحاسه فيها وما انكر معروفها معانا وعارفه انها بشر وبدعيلها والله كل يوم واحبها في الله بس اللي ما نزلت درجاتهم حوالي 10 بنات يعني انا حاسه انو في شي ليش دول العشره ونزلت الارقام الجامعيه وسوت الجدول ونزلت الدرجات طيب لي ما نزلت العشره والله انا خايفه ولا تلوموني باقي على الاختبار24 ساعه ودي اعرف درجتي ...
أ/ساره لو سمحتي ممكن أعرف إذا فيه في الاختبار تعداد لأنه ما أحس إني ممكن أعدد بشكل كامل أو صحيح ؟؟
والله يعطيييييكي العافيه ويحقق اللي في بالك ...
السلام عليكم ورحمة الله وبركاته...
استاذه ساره,, في بنات بيسالو اسئله وما رديتي عليهم وانا نفسي اعرف اجابتها ,, وشكراا لكي
مرحبا soso حبيت اجاوبك بخصوص ملخص ترجمة Protection Against Spam
ترى ماشالله صحيح وشامل ونا كمان طلعلي نفس الشئ وربنا يوفقك ويوفقنا اجمعين بس حبيت اساعد الاستاذة في الاجابات الي اقدر عليها الله يجزيها عننا كل خير ويقدرنا نجيب A+ ونرفع راسها وده اقل شي عشان نرد معروفهامعانا
أستاذتي الغالية"السلام عليكم ورحمةاللة وبركاته",أستاذة عندي سؤال محيرني :الحين EISهل هي تحمل SOFT , hard data ولافقط الSOFT DATAمع العلم انه مكتوب في الكتاب في شابتر7 انه يحمل الأثنين..أفيديني الله يعطيكي العافية@ وشكررررررررا@
غير معرف يقول...
السلام عليكم
استاذة سارة يعني ايش دا اكلام الله يسعدك ..
في شابتر 10
Additional tips
Choose Web sites monitored by1- independent organizations
Avoid having cookies left on your2- machine
Visit sites anonymously-3
Use caution when requesting-4 confirmation email
؟؟؟؟؟؟
_______________
هذا الكلام له علاقة بعنوان الشريحة اللي هو:
Q: How to Maintain Your Privacy Online?
كيف تخافظين على خصوصيتك على الانترنت؟
الجواب: بالاطلاع على سياسة خصوصية الموقع---- وايضا يوجد نصائح اضافية لتصفح آمن عبر الانترنت وهي النقاط التي ذكرتيها:
1- تصفحي مواقع يتم مراقبتها من قبل جهات مستقلة عن هذه المواقع.
2- تجنبي ترك الكوكيز على جهازك، امسحيها اول باول.
3- تصفحي المواقع دون ابراز هويتك الحقيقة ويوجد برامج خاصة تستخدم لهذا الغرض.
4- عند التعامل مع جهات معينة تحتاج لمراسلتك عبر الايميل بهدف تأكيد أمر ما اتحذي اساليب وقائية حتى لا يتم استغلال بياناتك بشكل خاطئ، فمثلا بامكانك فتح ايميل خاص لاستخدامات من هذا النوع.
ويسعدكم ويوفقكم،،
أ/سارة كيفك ان شاء الله بخير ....
1_أ/سارة عندي سؤال بخصوص الواجب صح انو نختارخمس مواد ونقراها ونفهمها بس بالأهداف ايش تقصدي بيها هل انو نكتب نحنا الأهداف اللي فهمناها من المادة ولا قصدك نكتب اهداف المادة على ايش تنص....؟
2_وبخصوص فقرة اضافة وتعليق عادي لو كتبنا اسئلة او معلومات اضافيه من عندا بخصوص المادة المختاره...؟
3_وعندي طلب يا استاذه اذا تقدري الله يخليك اعتبريه تحسين لإختبارنا النصفي لانه خايفين درجاتنا تنزل مع النهائي واللي هو: في الواجب نختار خمس مواد من التسعه وعلى كل مادة درجه تيب يا استاذه لو نحنا حليناها كلها ياريت بدل خمس درجات تخليها 9 درجات ....
وسامحينا يا استاذه تعبناكي معانا والله يسعدك يا استاذه ويجعلها في ميزان حسناتك يارب وجزاك الله الف خير
sosoo0 يقول...
استاذه ساره,, ممكن اعرف اي هي الجدوال اللي في شبتر سبعه معانا لانك ما تكلمتي معانا على الجداول في شبتر سبعه بس جدول 2-7 قلتيلنا في النصفي قرائه,,, والباقي والله مالي عارفه معانا ولا لا.
وشكراا
"""""""""""""""
في شابتر سبعه الجدوال هي : 7.1 هذا مشروح مع النوت الي نزل في واجب الباتش والاون لاين ..
7.2 يكفيك انك تكوني فاهمة اش يعني ومثال ..
وجداول خصائص الانظمة الثلاثة 7.3 و 7.5 و 7.6
وجدول 7.4 انواع التقارير
بنات حاولوا تساعدوا أ. ساره في الاجابة على البنات لا تبخلوا بالمعلومات ال عندكم
والله يوفقك ويساعدنا جميع
_____________________
اختي الجداول كلها معنا واعتفد اغلبها تكرار للرسومات .. بس الجدول الجديد انواع التقارير وبسيط واذا منتي فاهمتة اشرح لك هوة..
____
بالتوفيق اختي ...
السلام عليكم
ابغا اقول حاجة
انا خصصت يوم الأربعاء لشابتر 1 و 7 و 9 لأن كلها قد ذاكرتها ودوبي اليوم الجمعه خلصت 9 وكمان مو مره
يعني بالله الشباتر الجديده اللي ما قد ذاكرتها كم بتاخذ مني ؟؟؟!!
مع إني ما أخرج ولا مكان بس محبوسه في الغرفه مع الIS ومذاكرتي بفهم وليس بحفظ فقط...
أول مره أحس نفسي كسلانه لهذي الدرجه وأحيانا أجلس أبكي من هذي الماده ,بس الله يعين...
__________________
سلامتك منت كسلانة بالعكس مجتهدة
ويوم الاختبار ان شاء الله راح تتأكدين
ويا بنات انسوا ان فيه اختبار,,,
انتوا علماء في نظم المعلومات،،، بتناقشون في حلقة علم نظم المعلومات ،،
والحين قاعدين تعدون للنقاش العلمي...
موفقين،،
استاذة ساره ابي أقول لك قبل لا تردين على البنات اقري يمكن واحدة ردت على البنت وردها صحيح.. بدل لا تتعبين وتردين مرة ثانية :-)
___
الله يعطيك العافية..
السلام عليكم ..
اش يعني ذا الكلام في شابتر 10 بنات الي تعرف تساعد أ. ساره و ترد الله يعطيكم العافية أ.ساره مرة مشغولة...الشريحة رقم 21
Many businesses have guidelines for appropriate use
Universities endorse guidelines proposed by EduCom
Responsible computer use (based on work of the Computer Ethics Institute) prohibits.
واش يعني استخدام الكمبيوتر لتحمل شهادة الزور ؟؟؟
بالتوفيييق جميعا ..
_____________________
رد على ليان
كلامي مو أكيد لكن محاولة ..
يمكن الفايده منها إنه أ.سارة الله يعطيها العافية تصحح المفاهيم الخاطئه (لو كانت خاطئه)
بسم الله
السطر الأول:
معظم لأعمال لديها قوانينوأسس متبعه حتى تُستَخدم الإستخدام المناسب والصحيح..
السطر الثاني:
الجامعات تصدق القوانين التي وضعتها مؤسسة EduCom وتعمل بها..
السطر الثالث:
الإستخدام المسؤول للكمبيوتر(يعني الإستخدام العاقل الصحيح) حسب عمل مؤسسة أخلاقيات الحاسب تمنع الآتي:
وبعد كذا سرد للأخلاقيات الممنوعه
وبس
بالتوفيق..
__________
بالضبط هو ذا
شكراً هناء
حنين القثامي يقول...
السلام عليكم ورحمة الله وبركاته...
استاذه ساره,, ممكن اعرف اي هي الجدوال اللي في شبتر سبعه معانا لانك ما تكلمتي معانا على الجداول في شبتر سبعه بس جدول 2-7 قلتيلنا في النصفي قرائه,,, والباقي والله مالي عارفه معانا ولا لا.
وشكراا
____________________
وعليكم السلام
اهلا حنين
7-1
7-2
7-3
7-4
7-5
7-6
موفقين،،،
يا بنات ترا اختباركم يوم الاثنين وليس الأحد..
فعلاً دوبي انتبه...
شكرا لك عزيزتي
استاذة الله يخليكي جاوبلي على سؤالييييييييي@العنود@وشكررررررررر@
استاذة سارة عادي التعليق يكون بالعامي ؟؟ عجزت أصيغ عبارات بالغة عربية زي الناس مدري ليه ؟
وأبي اخلص الواجب اليوم ان شاء الله .
السلام عليكم ..
أ.ساره..
الفصل 5-1-7-9نقدر نوصل للوزدم فيهم والحمدلله ..بعد ما جابت خبرنا طبعاً
اما 4-6-10 يادوب فهمناها بالعربي وغطينا النقاط اللي في الشرائح(هل هذا هو المطلوب فقط؟!) ولسا ما قفلنا عليهاوكل ماحفظت شريحه طارت اللي قبلها(الله المستعان)..
اتمنى تكون الأسئله متوافقه مع هذا الشي مع اني كمان متأكده(عندي احساس) ..
انا ليش اقول هذا الكلام لأن 10-6 بالذات تأخذ وقت وجهد على حساب الشباتر الثانيه اللي هيه أهم ومع كدا ندخل زي مانخرج نحمل أسفارا..
اعتذر ان كان في كلامي خطأ او لبس ..
لكني وصلت حدي في كل شي ولسا باقي لي 10و6 لكن وراهم وراهم والزمن طوييييل وان شاء الله اجيب خبرهم واجيب أ+ ..
معليش على الهذره ...فضفضت عن نفسي ..( أشكر لكم حسن قراءتكم )
هههههههههههههههههههههههههههههههههههههههههههههههههههههههههههههههه
من جد ..
زي حالتي محبوسة في الغرفة 6 ايام !!بس اطلع للاكل وبعض الاحيان اكل في غرفتي والله يكرمكم الحمام بس هههه. ولسة ما خلصت ...
بس ترى النظم حلوووو بس يبي لة وقت ..
"عاشقة النظم"ههههه .
بالتوفييييييق ..
اتوقع الاسئلة حلوة زي استاذة سارة !!
السلام علكيم
عزيزاتي :
لاداعي للقلق...
التوتر والقلق دوران مستمر في حلقة مفرغة...
يضعف ذاكراتك..يضعف همتك ...يضعف تركيزك..
خذوا بالأسباب...
وتوكلوا على مسبب الأسباب..
فمن توكل على الله فهو حسبه..
وزي ما قلت لكم عندكم فرصة في الاختبار النهائي تحسنون ادائكم
الاختبار النصفي ليس حكم على مستواكم
وان كانت النتيجة غير مرضية لك فالحل أن تسعي لتقدبم الافضل .. فلكل جواد كبوة.. والقادم باذن الله أفضل..
الاختبار باذن الله راح يكون اسهل من الاختبار النصفي .. ويشبه النصفي في كونه شامل..
بالنسبة للدرجات قلت لكم اتركوا الموضوع علي وانا ضامنة لكم هي .. بس اثبتوا لي في الاختبار انكم تعلمتوا...
موفقين يارب،،،
تم تخصيص موضوع لمناقشة ابرز الاخطاء في الاختبار النصفي ..
اول سؤال تم طرحة خصائص OOA&D
عزة:
عادي لو انكتب التعليق بالكلام العامي اهم شي رأيك
رانيا:
كفاية تعلقين على خمسة
السلام عليكم ورحمة الله وبركاته ..
عندي استفسار زغنون
الجدول 1.6في الفصل الأول نذاكر مسمياتها فقط بدون الأمثله ؟؟!!
شاكره لك جهودك استاذتي ...
(يارب انك تزرع حب نظم المعلومات في قلبي عشان يمشي معاي مع انه بالغصب يمشي مو على كيفه )
والله يا استاذه كلامك حلو ومطمن بس والله العظيم اول مره احس نفسي بليده نفسيتي تدمرت عالاخر اخلص من فصل ولما احاول اتذكر انا ايش ذاكرت في هذا الفصل الاقي نفسي ولا كأني مذاكره شي والادهى من هاذا والامر اني فاهمه الكلام بس اجيبلك معناه بالعربي ومو عارفه اصيغه بالانجليزي والله حتى في نومي اتخيل صفحات الكتاب قدامي عارفه انك راح تقولي اني بليده ومنتهيه كمان بس والله ايش اسوي موادي كلها نتايجها ممتازه وعمري ما تعودت على هالحال
ياليت لو عندك حل تفيديني مع اني عارفه انك راح تلوميني ..
العنود الفهد يقول...
أستاذتي الغالية"السلام عليكم ورحمةاللة وبركاته",أستاذة عندي سؤال محيرني :الحين EISهل هي تحمل SOFT , hard data ولافقط الSOFT DATAمع العلم انه مكتوب في الكتاب في شابتر7 انه يحمل الأثنين..أفيديني الله يعطيكي العافية@ وشكررررررررا@
______________________
وعليكم السلام
أستاذة عندي سؤال محيرني :الحين EISهل هي تحمل SOFT , hard data؟
نعم الاثنين معا..
السلام عليكم ورحمة الله وبركاته ..
عندي استفسار زغنون
الجدول 1.6في الفصل الأول نذاكر مسمياتها فقط بدون الأمثله ؟؟!!
_________________
وعليكم السلام
اهلا هند
نعم بدون الوصف وبدون الامثلة
فقط اول ثلاثة معاكم بجميع تفاصيلها
الوصف + الامثلة
أستاذه لو سمحتي في بنات فووق جاوبوا على اسأله ممكن تشوفيها اذا صح ولا لا عشان ناخذها وشكرا لك،،
السلام عليكم...
أ.ساره الله يعطيك العافيه..
بس طلب احد:
إذا جا في الإختبار تعداد أتمننننى يكون مو لكامل النقاط
يعني بعض النقاط من كل تعداد
لأن عقدتي في كل الإمتحانات إني مستحيييييل أتذكر تعداد كامل..
مهما حاولت أحفظ وأفهم فيه
لازم أنسى ولو نقطه وحده..
وشكراً...
الله يجزاك الجنه ويثيبك على حسن أخلاقك ورقي تعاملك معانا وصبرك علينا..
هذي الدعوات ماتجي ولا شي جنب الدعوات إللي توصلك في ظهر الغيب..
استاذه ساره بليز ..
ممكن تقوليلنا ايش وضع الاسئله : مثلا السؤال الاول مقارنه والسؤال الثاني صح وخطا وكم سؤال صح وخطا ويا ليت تردي علي عشان نعرف كيف الاسئله وما نخاف بالعكس اذا عرفنا ما راح نحاف وكمان كم شرح وكم عرفي بلييييز اطلبكي يا استاذه الله يخليكي الله يخليكي لا ترديني ... والله لادعيلك
يااحلوووين شيدوا حيلكم وخلووا ختامهاا مسك...
درجاات الإنجليزي والقرآن نزلت في موقع الجامعة وإن شاء الله النظم مثلها..نجيب درجااات تهبل بس مو زي النصفي..
آآآآآه ليتني ماشفت درجتي ماني قادرره أذاكر لو ماحلفت اني ما ابكي عشان الدرجات كان يمدي مكة كلها أنهار من دموعي ..
بعدين الواجب ماني فاهمته يعني أكتب رأي فقط يعني أتفلسف (أمووت في الفلسفه بس بالعربي)
وماتوفيقي إلا بالله
أ . سارة أبغى اسألك عن توزيع الدرجات حسب مافهمتوا من المكتوب في صفحة المادة إنه :
20 درجة على الاختبار النصفي
20 درجة على المشروع
5 درجات على الواجبات
15 درجة على الكويزات
40 درجة على الاختبار النهائي
صح اللي فهمته ولا ؟؟
أ. سارة ممكن الله يسعدك تطلعين شوي فوق وتجاوبين على الأسئلة وتشوفي ردود البنات صحيحة ولا لا ..
الله يعطيك الف عافيه
"""""""""""""""""
دايم الي يحب الشيء يتعبه واحنا نحب النظم ومتعبنا ..
الله يخليكي استاذه ساره ردي علي ...
ممكن تقوليلنا ايش وضع الاسئله : مثلا السؤال الاول مقارنه والسؤال الثاني صح وخطا وكم سؤال صح وخطا ويا ليت تردي علي عشان نعرف كيف الاسئله وما نخاف بالعكس اذا عرفنا ما راح نحاف وكمان كم شرح وكم عرفي بلييييز اطلبكي يا استاذه الله يخليكي الله يخليكي لا ترديني ... والله لادعيلك
والله حالتنا صعععععععععععععععععبة
يا ربي لا تضيع لنا تعب ....
قولوا آمين ..
استاذه سااااااااااره نسيتي حاجه ...
ما نزلتي درجات الكويز والواجب ,,,,
وما نزلتي درجات المشروع,,,,
وما نزلتي المجموعه الفائزه,,,,
وانا حاسه انو سؤال المشروع راح يكون ماذا بحثتي فقط ؟؟؟
يا بنات عندي سؤال ياليت تجاوبوني عليه ..
في شابتر 7 نذاكر بس الجداول ..؟؟
الله يوفقنا ويفتح علينا قولو آمييييين..
غير معرف يقول...
يا بنات عندي سؤال ياليت تجاوبوني عليه ..
في شابتر 7 نذاكر بس الجداول ..؟؟
الله يوفقنا ويفتح علينا قولو آمييييين..
___________________________
لا مو بس الجداول امشي على المراجعة الي نزلتها استاذة سارة اول مراجعة "شابتر 1 وشابتر 7 وشابتر 9" أ.ساره حاطة لينا عناوين ارجعي لها في الكتاب وذاكريها ...
بالتوفيق ..
جزآآآكِ اللهـ خير يا .. غدير بطآآح
والله اني حليت في النصفي كلوو صووح
إلا هالجدول تركته فآآآضي
وطآرت علي ال4 درجات
الله يسعدكِ ويحفظكِ ويوفقكِ
~ ياليت حد فيكم يشرحلي الاستراتيجيات الثلاث اللي بشابتر 5 والفروق بينها لأني بجد ماني فاهمتها :(
* بليييز يا قيرز ..
لا تبخلو إذا شفتوا سؤال وانتو عارفين أجابته
*..One 4 all .. All 4 one..*
HoOpE يقول...
جزآآآكِ اللهـ خير يا .. غدير بطآآح
والله اني حليت في النصفي كلوو صووح
إلا هالجدول تركته فآآآضي
وطآرت علي ال4 درجات
الله يسعدكِ ويحفظكِ ويوفقكِ
~ ياليت حد فيكم يشرحلي الاستراتيجيات الثلاث اللي بشابتر 5 والفروق بينها لأني بجد ماني فاهمتها :(
* بليييز يا قيرز ..
لا تبخلو إذا شفتوا سؤال وانتو عارفين أجابته
*..One 4 all .. All 4 one..*
___________________________________
بصراحة أنا ماذاكرت هذا الفصل بس أنا بقولك اللي فهمتو من الأستاذة
الإستراتيجية الأولى : (brick and mortar )
هيا مثلا زي سوبر ماركت النوري في جبل النور , هوا مجرد سوبر ماركت موجود على أرض الواقع يعني يكون حاطط لافته كبيره ومحل كبير عشان يبيع البضايع والمحل يكون جوتو عمال لكل قسم من اقسام السوبر ماركت ومحاسبين وناس وزي كدا وطبعا هذي راح تكون مكلفه لانها كلها أشياء ماديه راح تكلفهم فلوس ، ولكن مالو أي وجود على النت يعني مو حاططلو موقع على النت يقدم فيها خدماتو او اعلانات عنو ..
الإستراتيجية الثانية :- (click and mortar )
هيا مثلا زي بنك الأهلي ، هوا بنك ولكن يقدم خدماتو على النت وعلى أرض الواقع يعني بنك الأهلي له فروع كثيرة عندنا مفتوحه وتخدم العملاء .. وفي نفس الوقت عنده موقع على النت يقدم الخدمات لعملائه ..
الإستراتيجية الثالثة :- (click only )
هيا شركة مفتوحة على النت بس ، يعني مثلا ممكن يكون واحد فتحلو موقع يبيع اشياء على النت وماعندو أي محل على ارض الواقع أو ممكن انو يكون فاتحلوموقع على النت يبيع منه وعندو مكتب صغير فيلو موظفين قليلين مايزيدو عن خمسه او ستة بالكثير واحد يدير والثاني يحسب والثالث ..... وبس ، مو زي الاستراتيجيه الاولى والثانيه اللي تحتاج عدد كبير من الموظفين حتى يقومو بشغلهم مزبوط ، وطبعا هذا النوع ماراح يكلفو كثير و ماراح يحتاج منه غير شوية شغل وخلاص وراح يربح من ورى هذا الشغل طبعا ..
( والله حلو شكلي بروح افتحلي موقع على النت وأبدأ استثمر )
استاذه ساره فين الدرجات الباقيه ما نزلتيها...
الله يوفقكي نزليها,,,,
السلام عليكم
أستاذه انا ذاكرت شابتر 6 بس عندي بعض الأسئله فيه...
1.ايش يعني الBrute force ؟؟؟
2.عادي نكتب التعريفات اللي في القلاسوري بالعربي زي تعريف الzombi computers لأني فاهمتها بالعربي بس بالإنقلش لا؟؟؟
3.ممكن تجي رسمه في الإختبار وكيف يجي سؤالها؟؟؟
4.كيف تكون الspywareداخل الfreewareو ال shareware??
5.الspimهو spam over IM طيب ايش هوا ال IM؟؟؟
6.Internet Explorer Web browser settingsانا فاهمه كل كلمه لوحدها بس المعنى مو راضي يتركب معايا؟؟
7.إذا فيه عددي في الإختبار فإيش هوه أقصى تعداد ممكن يجي؟؟
8.بالنسبه لself study اللي في نفس الشابتر عادي يكون بالعربي وانا عارفه إنو مهم بس مافي وقت احفظه بالإنقلش؟؟؟
وشكرا...
السلام عليكم
كيفكم بنات؟؟؟؟؟؟؟؟؟؟؟؟؟
وكيف الإنفورميشن سيستم معاكم؟؟؟
اللي طلع الشيب في شعري وعجزت أحفظوما أدري ليه ؟؟؟
المهم
مين تعرف قاعات الأختبار بكره فين؟
ومشكوره
الله يسهل علينا ويفتح لنا أبواب رحمتو الواسعه يارب
42905248 يقول...
السلام عليكم
أستاذه انا ذاكرت شابتر 6 بس عندي بعض الأسئله فيه...
1.ايش يعني الBrute force ؟؟؟
"هذا معناه انه قوة عنيفة بمعنى انه يكون عنده اصرار قوي عشان يوصل للباسوورد "
5.الspimهو spam over IM طيب ايش هوا ال IM؟؟؟
IM اختصار لـ instant massegeبمعنى رسالة لحظية
"في ذا الموضوع خطر في بالي التفاضل شوفتي لمن نجيب معدل سرعه غير عن معدل سرعة عند لحظة معينه "
تقوليلي اش الرابط الرابط انه spim هو سبام بس عند لحظة معينه .. الرابط العجيب ههههههه
والله اعلم
والباقي اعذريني لو كان عندي معلومة صحيحة كان افتدك فيها والله يوفقك ويوفقنا ..
السلام عليكم..
بأحاول أكمل أجوبة أسئلتك يا 4290548
.كيف تكون الspywareداخل الfreewareو ال shareware??
يعني البرامج التجسسية ممكن تكون مبنيه داخل البرامج المجانيه اللي تعرض على الإنترنت
يعني إذا لقيتي دعايه في النت:
برنامج مايكروسوفت أوفس الإصدار الجديد كااامل ومجاني لا يفوتكم..
*إنتبهي لاتفرحين وتاخذينه لأنه قد يكون مبني في داخله برنامج تجسس..
ولا إيش الحكمه من وضعه مجاني؟!!
وبعض البرامج تكون أصليه في الأساس لكن أخذوها عن طريق الإختراق..
إذا اخترقت البرامج الأصليهيكون فيها زي الفجوه تدخل عن طريقها الفيروسات..
.Internet Explorer Web browser settingsانا فاهمه كل كلمه لوحدها بس المعنى مو راضي يتركب معايا؟؟
يعني إعدادات متصفح الإنترنت الموجود على الجهاز
مثلا إنترنت إكسبلورر
لازم تضبطين الإعدادات مثلا:
منع الصفحات المنبثقه(إللي غالبا تكون دعائيه)
وبس
الله يوفق الجميع..
بنات إذا دعيتوا لأنفسكم إدعوا للدفعه كلها مرة وحده
ما أحد يدري يمكن وحده تكون دعوتها مستجابه وتنفعنا كلنا..
بالتوفيق
فقرة منسيه..
علاقة الـ spim بالرسائل اللحظيه:
الرسائل اللحظيه يعني المحادثات الفوريه زي الماسنجر..
ممكن ينرسل لك spimفي محادثه فوريه
وشكــــرا..
الله يعطيك العافيه هناء
الله يوفقك ويوفقنا جميييييع
ادعوا بنات لعلكم من الذين اذا اقسموا على الله لابرهم ..
أ. ساره ننتظر اطلالتك ..
السلام عليكم جميـعا ..
مشاء الله لما اشوف اسألتكم واجاباتكم احسن اني ما ذاكرت ولا شيء ..
آخ الله يستر من بكرا ..(^_^)
أ.ساره عندنا في شابتر5
E- Commerce business strategy
معرفة الفرق بين الإستراتيجيات الثلاث من حيث:
الوجود على أرض الواقع ، والوجود على الأنترنت، التكاليف ، الأرباح.
كما استنتجناها في المحاضرة.
للأسف انا ما حضرت المحاضره نهائيا لظروف ..ياليت استاذه توضحي لي شوي من مفاهيمها ..واكون شاكره لكي ..
السلام عليكم :
لو سمحتوا أبا احد يرد عليا
ايش هي قاعات الاختبار ؟؟؟؟
وشكرا
لكا البنتوتات اللي يسألوا عن قاعات الاختبارات تراها معلقه على لوحة القسم أتأكدوا منها بكره ان شاء الله واتوقع انها زي الحاسب 62 وما حولها،،
______________
سارهـ أحاول دحين أكتبلك الفروق بينهم بس اصبري عليه شويتين عندي كم شغله أخلصها وارجعلك،،
____________
الله يوفقنا
اهلا ساره ..
بحاول اعطيك معلومات الين ما تجي غدير وتضيف معلوماتها..
اول استراتيجيه brick and mortaالي هيا الشركات التجاريه الي لها وجود فعلي فيزيائي على ارض الواقع زي مثلا بن داوود _ النوري ..وليس لها وجود على النت
وتكون تكاليفها عاليه جدا تكاليف بناء ومعارض ومخازن واعلانات
وتكون ربحيتها عاليه الى حد ما ..
ثاني استراتيجه click and mortar
شركات تجاريه تشترك في الوجود على ارض الواقع والوجود على الانترنت بتقديم خدمات مختلفة ربحيتها عاليه جدا لان الناس يوصلولها من كل مكان ما توصل لحد معين
وتكاليفها اقل من الاستراتيجيه الاولى ..
الاستراتيجيه الثالثة click only
وهذي الاستراتيجيه ليس لها وجود فعلي على ارض الواقع وانما على الانترنت فقط وتكاليفها منخفضة جدا وربحيتها عاليه ولا تكلف خسائر عاليه زي الاستراتيجين الي قبل ..
والله يوفق الجميع
وان كان في مفاهيم خطأ صححوها والكل يجتهد على قد ما يقدر ..
عزيزتي ..العنود باجحلان..
لآ خلآ ولآ عدم :)
اللهـ يعافيكِ ويعطيكِ على قد نيتكِ
بصراحهـ شرح وآآفي وكآآفي.. ما قصرتي
بس طبعاً ح ـأرجع للمصطلحات بالعنقليزي
غدير حتى انـآـآ بنتظرك :)
رووووحوووو الله يفتحها في وجيهكم
نفسي احد يسأل سوعآآل وأنآ عآآرفه اجابتو ودي افييد..
ما بيدي غير الدعاء..
ما شااااء الله يا ساره كفيتي ووفيتي،،
الله يعطيكي العااافيه،،
بس عندي ملاحظه صغنطوووطه اللي هيا:
انتي قلتي انه الاستراتيجيه التانيه اقل تكلفة من الاولى بس انا اتوقع العكس لانه الاولى تكاليفها بس لوجودها على الواقع لكن التانية عندها تكاليف في الواقع وعلى النت،،
والله اعلم،،
ان شاء الله نكون افدناكي يا ساره شقل،،
دمتم بخير،،
بناااااات ياحلوين...
إللي تبي تسأل سؤال..تشوف قبل موجود ولا لا ..
إذا كان موجود مافي داعي للتكرار..
لا تخلون أسئلتكم زي السبام تاخذ مكان وتشغل الذاكرة على الفاضي..
^_^
يا بنات استاذه ساره ليش في بنات ما نزلت درجاتهم جاوبوني لييييييييييش؟؟
مررره خايفه,,,
بلييييز احد يكلمها ولا يرسلها رساله والله لادعيلها اللي تكلمها ...
مو عدل بنات نزلت درجاتهم وبنات جاء وقت النهائي ومو عارفين درجاتها ,,\\\
حسو في وساعدوني..
HoOpE يا عسولهـ الدعاء مررررهـ كفاايه تسلمي وان شاء الله نكون افدناكي..
____________
هنا,, والله ضحكتييييني كلامك صح الله يوفقك ويوفقنا..
_________
اللي خايفه لان الاستاذه ما نزلت درجتها.. لا تخافي ان شاء الله خييير واكيد انها ما خلصتها لا تقلقي ولا تخلي شي يأثر عليكي استعدي لبكره..
________
اللهم وفقني ومن أحب (( ترى احبكم كلكم))
طيب يا غدير مو انتي تحبينا كلنا ...
ارسليلها رساله خليها تنزلها ,,
هما يمكن عشره بنات بس اللي ما نزلت درجاتهن الله يوفقكي ارسليلها..
انا بتجنن ولا خلاص اتجننت من زمان ..
وشكراا
Brick & mortar*
Have Operating-
physical location
Doesn't include EC-
It's cost a lot-
it's rather gain a lot-
Click & mortar*
Have Operating-
physical location
Use EC to service-
their clients
It's cost a lot-
it's gain a lot-
*Click only
Haven't Operating-
physical location
Use EC to service-
their clients
Doesn't cost a lot-
it's gain a lot-
يعني نقدر نكتبها كوذي :)
*على فكرة..
مآآآخذه المصطلحات من راصي
بنات الي ما نزلت درجاتهم تفاءلوا خير انا متأكذة انكم جايبين درجات حلوة ..
بس لا تفكروا ذحين فيها وتأثر على نفسيتكم انسوووووووووووها وحطي قدامك انتي كيف تعوضي كل شيء بكره ان شاء الله .. والله يوفقكم والله اني حاسه فيكم ..
..نحن قم لا تهزنا العواتي فكيف بورقة مكتوب عليها حلي السؤال الآتي ..>>> تذكرني بايام التوجيهي
""""""""""""""""
أ. ساره تكفيييييييييييييييين بس دقايق تعالي هنا وشوفي الاسئلة واجوبة البنات ..
أكيد انتي مشغولة لان بكره الاختبار ما نبغى ناخذ من وقتك كثير الله يسعدك ..
يا بنات في في الاختبار عرفي يعني اكتبي تعريف ولالا..
السلام عليكم بنات ..
بنات الحقوووني بليز وربي وربي وربي نفسي ابكي بصوووووت عالي خلاص انا تعبت وربي ذاكرت من اسبوع واليوم ختمت وباقيلي مراجعه واحس اني ما ذكرت شي احس عقلي فاااااضي وربي احس اني مو فاهمه اي شي وناسيه كل شي احس الماده غريبه علي والله مدري ايش اسوي
يارب قوم معايا انا الي خلاني كده درجات النصفي ياليت يا استاذه ساره مانزلتيها والله تحطمت وقلت خلاص ماراح اجاوب بالنهائي ..
استاذه ساره طلب ورجاء مني اتمنى تسويه
لما تطلبك اي بنت ترجمه او معناه كلمه ياليت ترفعي صوتك وتسمعي الكل لانو انا اخجل اسئلك طول الوقت والله هذا الي بنفسي وقلته يابنات ساعدوني ويا استاذه ساره ساعدينا درجات النصفي تحطم الواحد والله :(
على فكره يا HoOpE الاستاذه قالت انو نكتب المصطلحات بس بالانجليزي اما المقارنه بينها عادي بالعربي زي ما انتي فاهمتها:)..
تحياتي ودعواتي للكل بالتوفيق ان شاء الله ..
يا بنات اشبها استاذه سااااااااره ما ترد علينا ,,,
يا بنات تنبيه سال المشروع عليه خمسه درجات عارفين ولالا,,,
انتي متاكده ان عليه خمس درجات بليز قولي وفرحيني ربي يسعدك
حتى انا اعرف انها عليه خمس درجات ..
يسلموووو ياقلبي وربي خبر يفرح
الله يسعد وينجح كل البنات يااارب
ايو هي كدى مره قالتلي ,, اكتر البنات زعلانين غريبه انتي فرحانه ,, الله يوفقك ويوفقنا.. بس اتوقع ولا تاخدو بكلامي
حيكون السؤال ماذا بحثتي؟ لانو زي ما انتي شايفه البنات وقت الشرح يادوب كانو فاهمين بس جزئيتهم واللي كمان مو فاهمتها
رد على ......
السلام عليكم بنات ..
بنات الحقوووني بليز وربي وربي وربي نفسي ابكي بصوووووت عالي خلاص انا تعبت وربي ذاكرت من اسبوع واليوم ختمت وباقيلي مراجعه واحس اني ما ذكرت شي احس عقلي فاااااضي وربي احس اني مو فاهمه اي شي وناسيه كل شي احس الماده غريبه علي والله مدري ايش اسوي
يارب قوم معايا انا الي خلاني كده درجات النصفي ياليت يا استاذه ساره مانزلتيها والله تحطمت وقلت خلاص ماراح اجاوب بالنهائي ..
استاذه ساره طلب ورجاء مني اتمنى تسويه
لما تطلبك اي بنت ترجمه او معناه كلمه ياليت ترفعي صوتك وتسمعي الكل لانو انا اخجل اسئلك طول الوقت والله هذا الي بنفسي وقلته يابنات ساعدوني ويا استاذه ساره ساعدينا درجات النصفي تحطم الواحد والله :(
_____________________________
لااااا توكلي على الله لا تحطمين نفسك كذا مرة حزنتيني :-( ..
بس انا اقول لك الحين ...روحي صلي ركعتين وادعي "اللهم اني استودعتك ما علمتنية فاحفظة لي ومدني بة وقت حاجتي إلية وما توفيقي الا بك عليك توكلت واليك أنيب "وتوكلي على الله
"ومن يتوكل على الله فهو حسبة "
خلاص انتي سويتي الي عليك وأخذتي بالاسباب وان شاء الله ربي ما يضيع لك تعب ...
وبعدين روحي راجعي شوي وحاولي تركزين زين وباذن اله تفتكرين كل شي....
أتمنى أكون رفعت معنوياتك وأفدتك..
ترى تقريبا حتى انا زيك ..طبيعي لان معلومات المادة جدا كثيررررة..
"يالله ألحين ابتسمي :-)"
"ابتسمتي"....."أكيد"
ترى أنا ما أشوفك بس الله يشوفك :-)هههههههههههه
ان شاء الله يا رب الأسئلة بكرة تجي سهلة وكلنا نطلع :-) فرحانييييييييين من الاختبار ونجي الملتقى نقرأ كلامنا ونضحك على أنفسنا ...
^_^
_______________________
بالتوفييييق جميعا ..
هي مذاكره وخايفه وحاسه انها ناسيه.,...
طيب ايش رايك في اللي دوبها ماسكه شبتر عشره ولسع ما حلت الواجب .. وغير الدروس اللي قدام حقت النصفي ما مسكتها.. واللي مسكتو اي كلام وقرائه .. وطيب قولولي التعاريف تجي عرفي
على طاري شبتر عشره ... يا بنات وحده تشرحلو هو مختصر بليييز انا ذاكرتو بس مو مرره فاهمتو ...
وبلييز كل وحده تمسك فصل وتشرح المختصر من جد والله لادعيلها يلا نبدا بشبتر 5 .. اما انا اسمحولي مو مرره متعمقه بالماده ومن كل فصل في جزئيات ماني فاهمتها ,,
يلا نبدا الله يوفقكم ..
بنااااااااااااااااات
استاذة سارة نزلت اسئلة في ابرز الاخطاء في الاختبار النصفي ..
شوفوها
ربي يسعدك يلي رفعتي معنوياتي وربي اني ابتسمت وارتحت نفسيا بكلامك روحي ربي يفتح عليكي وعلى كل البنات ..
فين الاسئله حطو الرابط هنا بليز ..
إرسال تعليق